Búgin, 15 sáýir kúni óńir basshysy Nurlan Noǵaev máslıhat depýtattaryna óz erkimen qyzmetten ketken Bıboz Shaıahmetovtyń ornyna Qurmanǵazy aýdanynyń jańa ákiminiń kandıdattyǵyn tanystyrdy. 

Oblys ákimi bul orynǵa buryn Atyraý oblystyq jolaýshylar kóligi jáne avtokólik joldary basqarmasyn basqarǵan Qaırat Nurtaevty usyndy.
Nurlan Noǵaev atap ótkendeı, jańa ákim Qaırat Nurtaevtyń kandıdattyǵy Qazaqstan Respýblıkasynyń prezıdent ákimshiligimen kelisilgen. Depýtattar kandıdattyqty qoldap, Nurtaevtyń tájirıbeli basshy ekenin aıtty. 

Keıin, aýdan aktıvi jıynda oblys ákimi buryn atalǵan qyzmette bolǵan Bıboz Shaıahmetulyna atqarylǵan jumystar úshin alǵysyn bildirip, Qaırat Nurtaevqa birqatar naqty tapsyrmalar berdi.

Qaırat Nurtaevtyń ınjener-mehanık jáne zańger mamandyqtary boıynsha eki joǵary bilimi bar, sondaı-aq, «ekonomıka jáne bıznes» mamandyǵy boıynsha magıstratýra támamdaǵan.

2004 jyldan bastap Atyraý oblystyq ekonomıka jáne kásipkerlikti qoldaý basqarmasynda bas maman qyzmetin atqarǵan. 2005 jyldan 2007 jylǵa deıin Atyraý oblystyq jolaýshylar kóligi jáne avtokólik joldary bóliminiń bas mamany boldy. 2007 jyldan bastap Atyraý oblystyq jolaýshylar kóligi jáne avtokólik joldary bólimi basshysynyń orynbasary qyzmetine taǵaıyndaldy. 2008 jyldan bastap Atyraý oblystyq jolaýshylar kóligi jáne avtokólik joldary bólimi basqarmasynyń avtokólik joldary bóliminiń basshysy boldy. 

2010 jyldan 2017 jylǵa deıin Atyraý oblystyq jolaýshylar kóligi jáne avtokólik joldary basqarmasy basshysynyń orynbasary laýazymynda bolyp, 2017 jyldan búgingi kúnge deıin Atyraý oblystyq jolaýshylar kóligi jáne avtokólik joldary basqarmasynyń basshysy qyzmetin atqardy.