Qaýly jobasynda "2019 jylǵa arnalǵan respýblıkalyq búdjette shuǵyl shyǵyndarǵa kózdelgen Qazaqstan úkimetiniń rezervinen 9 404 771 000 teńge qarajat bólinsin" dep jazylǵan.

Qarjynyń 9,3 mıllıard teńgesi - ortalyq saılaý komısıasyna, 56,8 mıllıon teńgesi syrtqy ister mınıstrligine bólinedi. Qarajattyń durys jumsalýyn baqylaýdy úkimet qarjy mınıstrligine tapsyrǵan.

Qujat 29 sáýirge deıin talqylanady.

Buǵan deıin ortalyq saılaý komısıasy saılaý ótkizýge 12 mıllıard teńge suraǵan. Biraq keıinnen Qazaqstan qarjy mınıstrligi bul qarjyny qysqartty.

Qazaqstan prezıdenti Qasym-Jomart Toqaev 9 sáýirde respýblıkalyq arnalar efırinen jasaǵan málimdemesinde Qazaqstandaǵy kezekten tys prezıdent saılaýy 2019 jyldyń 9 maýsymynda ótetin aıtqan.

10 sáýirde ortalyq saılaý komısıasy kandıdattardy usyný 28 sáýirde aıaqtalatynyn jarıalady.

Qazaqstanda 30 jylǵa jýyq bılik qurǵan Nazarbaev 19 naýryzda kenetten prezıdent qyzmetinen ketetinin jarıalaǵan. Ol málimdemesinde saılaý ótkenshe Qasym-Jomart Toqaev prezıdent bolatynyn aıtqan. Toqaev 20 naýryzda ant berip, qyzmetine kirisken.​

Usynǵan: Nazerke Labıhan