Shyǵys Qazaqstan óńirindegi Aıagóz aımaǵynyń tabıǵaty baı, halqy tatý, birligi jarasqan óńir. Sondyqtan da bul jerdegi júrgizilip jatqan jumystardyń barlyǵy da elimizdiń Tuńǵysh Prezıdenti Nazarbaevtyń nysanaly tapsyrmasynyń arqasynda nátıjeli túrde júzege asýda.

Aıta ketý kerek, Elbasy 19 naýryzda halyq aldynda málimdeme jasap, bılik tizginin Qasym-Jomart Toqaevqa tapsyrdy. Al  sáýir kúni Qasym-Jomart Kemelulynyń elde kezekten tys prezıdenttik saılaý ótetinin jarıa etti. Endi jaqyn kúnderde úmitkerlerdi tańdaý, usyný bastalady. Al prezıdenttikke usynylar basty úmitker «NurOtannyń» sezinde belgili bolady.

Jalpy bul ótpeli kezeńdi Aıagóz halqy túsinistikpen qabyldady. Olardyń pikiri tómendegideı:

–Negizi prezıdenttikke Qasym-Jomart Toqaev keler bolsa, Qazaqstanǵa jańa múmkindikterdiń esigi ashylady. Bulaı deýimizdiń birden-bir sebebi –  onyń memleket isterin júrgizýde  baı tájirıbesi bar. Álemdik qaýymdastyq Q. Toqaevty jaqsy biledi. Ol osy ýaqytqa deıin túrli kelissózder, joǵary deńgeıdegi kezdesýlerge qatysqan saıasat álemindegi bedeldi tulǵalardyń qatarynda,–deıdi Aıagóz aýdandyq qoǵamdyq keńesiniń tóraǵasy Á. Toqbaev.

Al aýdandyq ardagerler keńesiniń tóraıymy G.Jaqypbaeva «Kez-kelgen isti tereńinen zerdeleıtin Elbasy bul rette de asqan danyshpandyq tanytty. Sebebi, san jyldar boıy halyqtyń múddesin alǵa tartyp kelgen Nursultan Nazarbaev memleket úshin mańyzdy aspektterdiń baqylaýyn óz qolynda qaldyrdy. Bul elimizdiń tynyshtyǵynyń kepili dep bilemin. Dese de, memlekettiń tizginiń bilikti basshy alǵany durys. Búginde ýaqytsha bıliktiń basynda turǵan Qasym-Jomart Toqaevtyń biliktiligi memleketimizdi damýdyń dańǵyl jolyna túsiretinine senimdimin» degen pikir aıtady.

–Elimiz qazir úlken tarıhı oqıǵanyń qarsańynda tur. Biz el bolyp óz prezıdentimizdi saılaýymyz kerek. Bul kúlli halyq úshin ońaı sheshim emes. Mundaı laýazymda kirshiksiz abyroıly, elimizde de shetelde de bedeli bar, eldegi turaqtylyq pen tynyshtyqty saqtaı alatyn adam bolý kerek. Al mundaı tulǵa retinde Qasym-Jomart Kemelulyn kóremiz. Bul rette onyń úlken dıplomatıalyq tájirıbesin atamaı ketýge bolmas. AQSH, Túrkıa, Qytaı, Eýroodaq elderimen, Resseı, TMD elderimen sonaý 1994 jyldan beri jasaǵan kelissózderi eske oralady. Al, syrtqy saıasatty tıimdi júrgize alǵan tulǵa, memlekettiń qaı salasyn da utymdy basqara alatynyna senimdimin,–deıdi aýdandyq aqsaqaldar alqasynyń tóraǵasy S. Tanyqbaev.

–Rasynda da kim Prezıdent bolady? Munyń barlyǵy aldaǵy ýaqytta sheshiletin bolady. Biz qalaı aıtqanda da Elbasynyń tapsyrmalaryn jergilikti jerde júzege asyryp jatyrmyz. Aıagóz óńiri prezıdent  saılaýyna daıyn. Biz eldiń erteńin oılaıtyn, elimizdiń tuńǵysh prezıdenti Nursultan Nazarbaevtyń sara joly men reformalaryn jalǵastyratyn kandıdatqa daýys beretin bolamyz,–deıdi Aıagóz turǵyndary.

Rasynda Shyǵys óńirdiń Aıagóz aýdanyn basqaryp otyrǵan ákim Baqytjan Baıahmetovty jergilikti halyq jaqsy biledi. Baqytjan Kákenqajyuly aýdan ekonomıkasyn órge súırep, halyqtyń turmys-taýqymetin sheship kele jatqan qaıratker azamat. Aýdanda shaǵyn jáne orta kásipkerlik damyǵan. Qurylys ta qarqyndy, fermerlik sharýashylyq ta órkendeý ústinde, týrızm salasy da kórkeıip keledi. Sondyqtan aldaǵy prezıdenttik saılaýda aıagózdikter laıyqty úmitkerdi tańdaıtynyna senim mol.

Batyr Jasulan