Búgingi tańda 26 myńnan astam qyzmet kórsetilip, 7 myńǵa jýyq júrgizýshi kýáligi berildi. Bul munaıly ólkedegi HQKO –nyń alǵashqy 5 aıdaǵy jumysy, dep habarlaıdy Atyraý oblysynyń Óńirlik komýnıkasıalar qyzmeti.

Bul týraly ÓKQ – de ótken brıfıńte «Azamattarǵa arnalǵan Úkimet »memlekettik korporasıasynyń Halyqqa qyzmet kórsetý ortalyǵynyń Atyraý oblystyq fılıaly dırektorynyń orynbasary Turlan Nurjanov málimdedi.

- Ótken jyly jeltoqsan aıynyń ortasynda Atyraýda mamandandyrylǵan HQKO ashyldy. Osy ýaqyttan bastap 2019 jyldyń 1 sáýirine deıin 26 934 qyzmet kórsetildi. Atap aıtqanda, avtokólik quraldaryn tirkeý, qaıta tirkeý - 20 102. Búgingi kúni 6 832 júrgizýshi kýáligi berildi, deıdi Turlan Nurjanov.

Spıkerdiń aıtýynsha, Atyraý qalasynyń turǵyndary júrgizýshi kýálikteri úshin 25-30 onlaın-ótinimdi toltyrady. Sondaı-aq, júrgizýshi kýáligin aýystyrý nemese qalpyna keltirý júrgiziledi. Bul úshin arnaıy HQKO-ny shyǵarý bóliminde sizge aıyrbastaýǵa arnalǵan júrgizýshi kýáligin, jeke basyn kýálandyratyn qujatty, sondaı-aq memlekettik bajdy tólengendigi jóninde elektrondy chekti usyný qajet.

- Bunyń barlyǵyn onlaın túrde jasaı alasyz. Ol úshin turǵyndar egov.kz portalyna kirip, ótinishti toltyryp, ony ESQ-men qol qoıýy kerek. Qoldanbaǵan fotosýret jáne qoltańba sýretin skanerleý qajet. Qujattyń daıyndyǵy týraly derbes shotyńyzdaǵy habarlamany alǵannan keıin daıyndyq júrgizýshi kýáligin alý úshin arnaıy HQKO-ǵa barý kerek. Qujattyń daıyndyǵy týraly habarlama mobıldi turǵyndardyń derekter bazasynda tirkelse, habarlandyrý SMS túrinde jiberiledi, - dedi «Azamattarǵa arnalǵan Úkimet» memlekettik korporasıasy halyqqa qyzmet kórsetý ortalyǵynyń Atyraý oblystyq fılıaly dırektorynyń orynbasary Turlan Nurjanov.