Shrı-Lankadaǵy "Áýlıe Antonıa" shirkeýindegi segiz jarylystyń saldarynan qaza tapqandar sany 215 adamǵa artty.
Búgin jelide Kochchıkade qalasyndaǵy "Áýlıe Antonıa" shirkeýinde jarylys oryn alǵany týraly habar tarady. Kóliktiń vıdeotirkeý júıesine jazylǵan beınede shirkeý ǵımaratynan oqystan tútin shyqqany anyq kórinedi.
"Jeti kúdikti azamat qolǵa tústi. Qaza tapqandar arasynda 35 sheteldik azamat bar", - dep habarlandy Tvıtter jelisinde quzyrly organdar ókilderi tarapynan.
Eske sala keteıik, buqaralyq aqparat quraldarynda birshama ýaqyt buryn qaza tapqandar sany – 207, zardap shekkender sany – 450-den astam dep kórsetilgen-di. Qazir qaza tapqandar sany 215-ke jetip, zardap shekken adamdar sany 500-den asqan.
Pasqa merekesin toılaý kezinde katolıktik shirkeýler men Kolombo qonaq úıinde jáne eldiń basqa bólikterinde jalpy sany segiz jarylys oryn alǵan.
