21-sáýirdiń keshinde Almaty qalasynda belsendi azamattar – Ásıa Tólesova men Beıbarys Tolymbekovtiń soty boldy.

Eki azamatqa marafon kezinde "Shyndyqtan qasha almaısyń" ("Ot pravdy ne ýbejısh"), #AdilSailayUshin ("Za chestnye vybory") degen jazýlary bar plakattardy kóterip, nazar aýdartqany úshin ákimshilik quqyq buzýshylyq dep eseptelip, 448-baptyń 3-tarmaǵymen aıyptaldy. Sot sheshimi eki azamatqa da 15 táýlik qamaý jazasyn taǵaıyndady.

Sot zalynda Ásıa Tólesova ózderiniń áreketterin túsindirý maqsatynda kúlli qaýym aldynda sóz sóıledi. Óziniń sotqa, ekologıaǵa, sportqa, demokratıalyq qundylyqtarǵa, Denıs Tenge degen kózqarasyn aqtaryla aıtty.

Ári qaraı qazy men aıyptalýshy qyzdyń áńgimesin dıalog retinde órbiteıik.

Oryny: Almaty qalasynyń aýdanaralyq mamandandyrylǵan ákimshilik soty

Ásıa Tólesova: 9-maýsymdy bizde kezekten tys saılaý kúni dep jarıalady. Biz endi ádil saılaý ótkizip, el súıetin úmitkerdi tańdaı alamyz. Bul – árbir qazaqstandyqtyń ómirindegi eń mańyzdy sátterdiń biri.

Biraq qazirdiń ózinde jeke azamattar ózderiniń úmitkerligin usyna almaıdy. Bizdiń fleshmob dál osy máselege baǵyttalǵan. Bizdiń qalaýymyz – eshqandaı júıege baǵynbaıtyn táýelsiz saılaý ótkizý.

Meniń oıymsha, qazir bolyp jatqan nárseniń bári  qylmys. Memlekettiń azamat retinde meniń aldymdaǵy qylmysy. Bul sózdi bizge erkindik beretin, sóz bostandyǵyn beretin Ata zańymyzǵa súıene otyryp aıttym.

M. Abraev (qazy): Maqsattaryńyz qandaı?

Ásıa Tólesova: Maqsat – azamattardy ádil saılaý ótkizýdi talap etý úshin basyn biriktirý. Kez-kelgen saılaýda. QR prezıdentin saılaýda, sot qazylaryn, ákimderdi saılaýda da osyny eskerý kerek. Biz, zań boıynsha memlekettik bıliktiń halyqpen sanasqanyn qalaımyz.

Prokýror: Siz osy ýaqytqa deıin banner marafonǵa qatysty dedińiz. Qazirgi sózderińizge sensek, onyń saıasatqa da qatysy boldy ǵoı?

Ásıa Tólesova: Árıne. Meniń oıymsha, bul – jan-jaqty ári ashshy shyndyqty beıneleıtin banner. Adamdar shyndyqtan qashady. Tipti, bizdiń qasymyzǵa janasqysy kelgender de aqyr aıaǵynda marafonǵa qatysqan bolyp shyǵa keldi. Shyndyqty aıta bastasaq, biz Qazaqstannyń birqatar dertterin umyt qaldyramyz. Mysaly, quqyq qorǵaý organdaryndaǵy jemqorlyq, sottaǵy jemqorlyq, tipti, Almatynyń aýasyn jaqsartýdaǵy jemqorlyq. Aıta bersek, taýsylmaıdy.

Prokýror: Bannerdiń sportqa da, marafonǵa da qatysy joq degenge kelisesiz be?

Ásıa Tólesova: Bannerdiń sportqa qatysy bar, árıne. Myna nárseni aıtqymyz keldi: júgire bilgen jaqsy, al sport pen azamattyq pozısıany teń ustaý – tamasha.

Prokýror: Jaqsy. Al bannerdegi mátinniń maǵynasy qandaı?

Ásıa Tólesova: "Mende tańdaý bar" degen mende tańdaý bar degen sóz. Adamdar ózderiniń tańdaýy bar ekenin, biz jumys jasaıtyn demokratıalyq ınstıtýttardy ornatýymyz kerek ekenin túsinýi shart. Bizge halyqqa baǵynatyn, halyqtyń turmys-tirshiligine alańdaıtyn prezıdent kerek.

Mine, osyndaı qarapaıym talaptar. Meniń oıymsha, sizder de bul talaptardy qoldaısyzdar degen oıdamyn. Sizder Úsenovtiń ekinshi ret sizdiń balańyzdy nemese qyzyńyzdy qan-josa etkenine qarsysyzdar ǵoı?! Túsinesizder me?! Mine, osyndaı qarapaıym talaptar. Biz jemqorlyqqa, stýdentterdi kúshtep daýys bergizýge qarsymyz.

Prokýror: Taqyryptan aýytqymaıyq. Oqıǵa boıynsha sóıleseńiz.

Ásıa Tólesova: Bulardyń bári oqıǵa boıynsha. Barlyǵy bir bannerge syıyp ketken. Túsinesiz be?

Biz stýdentterdi buıryqpen daýys berýden arylýǵa, qazylardy kináli adamdardy ǵana jazalaýǵa, quqyq qorǵaý organdarynyń qyzmetkerlerin saıası belsendilerdi ańdymaýǵa, halyqty qorǵaýǵa úıretkimiz keledi. Ómir súrgisi keletin, úı salǵysy keletin adamdar bar. Beıbarys ekeýmizdiń bastamamyz osylardy kórsetkisi keldi.

Prokýror myrza, sot myrza, hatshylar, meniń oıymsha, sizderdiń barlyǵyńyz osyny qalaısyzdar. Onyń ishinde men de barmyn. Osy jerdegi azamattardyń barlyǵy sony qalaıdy. Bizde qazir qıyn ári ótpeli kezeń ekenin túsinemin. Biraq biz oıymyzdy qazir ashyq aıtyp úırenbesek, keıin kesh bolady. Quldyraǵan kúıi eldi joǵaltamyz, áıtpese...

Bul – kishkentaı ǵana banner. Bul — jan aıqaıy. Biz qatarlarymyzǵa ózimizdiń úlken múmkindigimiz bar ekenin, jańashyldyqqa úırený kerektigin jetkizgimiz keldi. Stýdentter ózderin damytsyn! Olar óz oılaryn ashyq aıta alsyn! Olarǵa bostandyq berilsin! Sizder balalaryńyzdyń aınasyn bireý urlap, ony qýǵan kezde pyshaqtalyp qalady dep qoryqpańyzdar!

Sizder de osyndaı memleketti qalaısyzdar ǵoı?! Biraq qazir biz tek túsimizde kóretin ınstıtýttardy damytpasaq, bári bos sóz. Sheshim qabyldaý kerek. Sizder ózderińizdiń aqyldaryńyz ben jan dúnıelerińizge daq túsirgen ınstıtýttardan shyǵyp, úıge kelgende áke retinde, ana retinde balalaryńyzǵa men aıtqan Qazaqstandy tileısizder ǵoı. Biraq sheshim qabyldanbaıtyny ókinishti...

Qazy: Ásıa Tasbolatqyzy, oqıǵa boıynsha sóıleseńiz

Ásıa Tólesova: Oqıǵadan aýytqyǵan joqpyn. Banner bárin qamtıdy degen qıyndaý estiledi. Biraq Beıbarys ekeýmiz shyqqan ýaqytta osy oı ekeýmizde de boldy. Men túsinbeımin, bizdiń elde 20 jasar jigitke de aýyz ashtyrmaıdy. Ol (Beıbarys) áskerge bardy, áskerden qashqan joq. Áskerden kelgen bette "Ádil saılaý ótkizeıik" degeni úshin 15 táýlikke qamaldy.

Qazy: Banner saıası kózqaras ustanady ma?

Ásıa Tólesova: Saıası kózqarastan da alshaq emes.

Qazy: Bul pıket pe? Beıbit pıket pe?

Ásıa Tólesova: "Pıket" degen ne? Maǵan túsindirip ótińizshi. Menińshe, fleshmob shyǵar.

Qazy: Saıası máselelerdi kóteretin beıbit sherý. Solaı ma?

Ásıa Tólesova: Árıne. Biraq... biraq mynaǵan nazar aýdaryńyz: men «almatylyqtarǵa taza aýa kerek» desem de, bul – saıası másele. Bizdiń bar ómirimiz saıasat, túsinesiz be?!

Ásıa Tólesova sóz sońynda sot qazysyna: "Men Beıbarys bostandyqqa shyqqansha onyń janynda otyrýdy qalaımyn", - dep emeýrin bildirdi.