Prezıdent saılaýynyń ekinshi kezeńinde de jeńiske jetken Vladımır Zelenskııge daýys bergen Ýkraına azamattary jańa basshyǵa úlken úmit artady dep jazady Qamshy.kz aqparat agenttigi rambler.ru saıtynyń deregin negizge alyp. 

— Men elimizdiń jarqyn bolashaǵy úshin daýys berdim. Zelenskıı zeınetkerlerdiń az zeınetaqysy men azyq-túliktiń qymbattap ketýin retke keltiredi degen úmittemin,- deıdi Uly Otan soǵysynyń tyl ardageri Sofıa Volskaıa jergilikti BAQ-qa bergen suhbatynda.

Sonymen qatar ol, Zelenskıı halyqtyń aldynda tizerlegende barlyq zeınetkerlerdiń oǵan senim artqanyn atap ótti.

Sondaı-aq ýkraınalyq polıtolog Mıhaıl Pogrebenskıı azamattardy saıası ahýal men jemqorlyqpen kúrestiń túbegeıli ózgeretinine zor úmit artpaýǵa shaqyrdy.

— Qandaı da bir ózgeristerdiń bolatyny anyq, biraq ol tek 2019 jyldyń 27 qazanynda ótetin parlamenttik saılaýdan keıin belgili bolady. Al bul ýaqytqa deıin jańa basshy, álbette, ózin jaqsy qyrynan kórsetýge tyrysady,- dep atap ótti Mıhaıl Pogrebenskıı.

Buǵan deıin Reseı strategıalyq zertteý ınstıtýtynyń sarapshysy Oleg Nemenskıı shoýmen Vladımır Zelenskııdiń Petr Poroshenko bekitken saıası ahýaldy túbegeıli ózgerte qoıýy eki talaı dep kúmán keltirgen bolatyn. Onyń aıtýynsha, Zelenskıı bastapqyda prezıdentke qarsy shyqqan joq, tek ýkraınalyqtardy osy ýaqytqa deıin sharshatyp kelgen baǵyttardy ózgertýge talpynǵan.

Usynǵan: Marjan Sábet