«Ámire» kórkem fılmi Richmond International Film & Music kınofestıvalinde qos júldemen marapattaldy dep habarlaıdy Qamshy.kz aqparat agenttigi «Qazaqfılm» kınostýdıasynyń baspasóz qyzmetine silteme jasap.
Kórkem týyndy «Úzdik oqıǵaly fılm» jáne fılmde basty róldi somdaǵan Sanjar Mádı «Úzdik akter» nomınasıasyn ıelendi. Osylaısha eki birdeı marapat fılmniń qanjyǵasyna baılandy.
Kınotýyndyda qazaqtyń tenor daýysty birtýar ánshici Ámire Qashaýbaevtyń jasyn ǵumyry baıandalǵan. Sondaı-aq, fılmde Ámire Qashaýbaevtyń tanymal amerıkalyq jaz kompozıtory Jorj Gershvınmen dostyǵy da beınelenedi.
«Ámire» kórkem fılmin QR Mádenıet jáne sport mınıtsrliginiń tapsyrysy boıynsha «Qazaqfılm» kınostýdıasy jáne «DAR Play» kompanıasy túsirgen.
Richmond International Film & Music Festival – AQSH ótetin aýqymdy halyqaralyq kınofestıval. Vırjınıa shtatyndaǵy Rıchmond qalasyna úzdik zamanaýı fılmderdi jyl saıyn alyp keletin kınoforým.
Esterińizge sala ketsek, «Ámire» fılmi kórermenge 2018 jyldyń sáýir aıynda jol tartqan bolatyn. Sonymen qatar, osy ýaqytqa deıin kınotýyndy birneshe júldemen marapattaldy.
