Taıland koroli Maha Vachıralongkorn (Rama H) óziniń súıiktisi, general  Sýthıda Vachıralongkornmen nekesin qıǵany týraly málimdedi dep habarlaıdy Qamshy.kz aqparat agenttigi  lenta.ru saıtynyń derekterine súıene otyryp.

Koróldiń jarynyń general áskerı sheni bar dep habarlaıdy TASS. Nekeniń qashan qıylǵany belgisiz, alaıda ol týraly resmı  aqparat tek qazir tarap otyr. Al onyń buǵan deıingi nekesi resmı túrde tórt jyl ótip, murager dúnıege kelgennen keıin habarlanǵan.

Bul 66 jasar monarhtyń tórtinshi nekesi.

40 jastaǵy Sýthıda  koróldiń jeke kúzetiniń basshysy bolyp qyzmet atqarady. Buryn ol Thai Airways áýekompanıasynda stúardessa bolyp jumys istegen. Sosyn taq murageri Vachıralongkorn áýletiniń kúzet komandıri mindetin atqarý qyzmetine taǵaıyndalǵan. Rama H oǵan Tanýıng (Hanym) shenin syıǵa tartty.

Rama H-ti ulyqtaý rásimi 4-6 mamyrda ótpek. Alaıda ol memleketti 2016 jyldyń aıaǵynan bastap basqaryp keledi. Monarh taqqa otyrǵannan keıin resmı túrde táj kıgizip, ulyqtaý rásimi - ulttyq dástúrdiń bir bóligi. Qazirgi koróldiń ákesi de bılik basyna kelip, tórt jyl ótkennen keıin ulyqtaý rásimin ótkizgen.