Dımash Qudaıbergenovtyń megajuldyz atanbaı turyp, Qytaıdyń sahnasyna shyqqan kezeńderinde kúlli telearna men radıo, gazet-jýrnaldar ol týraly jarysa jazdy. Sol kezeńdegi qytaılyq jýrnalıs Fý Lınniń radıoda jasaǵan reportajy birqatar bizge beımálim dúnıelerdiń betin ashty dep habarlaıdy Qamshy.kz aqparat agenttigi.
"Meniń nemerem Dımashtyń óleńderin qaıtalap tyńdaı beredi. Sondyqtan, men bul ánshige nazar aýdardym", - dep bastady sózin Fý LIn.
Jýrnalıs ánshiniń erekshe jeke stılin qalyptastyrǵanyn, daýys yrǵaǵymen óte kóp jumys jasaıtynyn aıta kelip, onyń joǵary jáne tómengi notalarǵa jyldam aýysatyn qabiletine tań qalǵanyn jasyrmady.
"Ol belkanto tásilin óte oryndy qoldanady jáne bul áreketi tyńdarmannyń júregine jol tabýǵa kóp kómegin berýde. Onyń basty aýysý ádisteri de keremet. Sondaı-aq, Dımashtyń klasıkalyq daýysy óte tamasha qoıylǵan. Onyń vokaldyq qasıeti Vıtasqa qatty uqsaıdy. Tipti, keıbir jerlerdegi oryndaýshylyq qabileti odan da asyp túsedi", - dep jalǵady Fý Lın.
Sonymen qatar, qytaılyq jýrnalıs ánshiniń 1994 jyly dúnıege kelgenin, jasynyń jıyrmadan endi asqanyna qaramastan, mol tájirıbesine, talassyz talantyna bas ıetinin aıtýdy umytpady.
Qazaq ánshini shegine jetkize maqtaǵan qytaı jýrnalısi óz mýzykalarynyń da álemdik standarttarǵa, ǵalam sahnasyna saı bolýy qajettigin atap ótti.
"Nege bizde álemdik deńgeıdegi megajuldyz joq? Óıtkeni, biz olardyń ósip shyǵýyna yqpal jasamadyq. Sonymen birge, bizdiń keıbir ıdeıalarymyz áli kúnge artta qalyp keledi", - dep ashynǵan pikir bildirdi ol.
Fý Lın óziniń Dımash týraly pikirin erkin jetkize otyryp, onyń án aıtýdaǵy úsh basty ereksheligin atady. Alǵashqysy – joǵary jáne tómengi notalarǵa aýysý qabilet. Ekinshisi – vokaldyq talanty men daýystyń ashylyp-jabylý trakttaryn basqarýy. Úshinshisi – demdi shyǵaryp-tartýdaǵy tájirıbeliligi.
"Óner shekarany bilmeıdi. Óner ultty bilmeıdi. Sondaı-aq, ónerdi súıý úshin jasyń da mańyzdy emes", - dedi Fý Lın.
Fý Lın mýzykaǵa qurmet kórsetý qajettigin, talant pen eńbektiń aıyrmashylyǵy bar ekenin aıta kelip, Dımashtan kóp úmti kútetinin jetkizip, sózin qorytyndylady.
Aýdarǵan: Ádilet Mádenıet
