Almaty oblysynda №19 orta mekteptiń 9-synyp oqýshysy óz-ózine qol jumsaǵan, dep habarlaıdy Qamshy.kz aqparat agenttigi "Almaty" telearnasynyń deregin negizge alyp.

"Sýısıd sotqa deıingi tergeýlerdiń biryńǵaı reestrine resmı tirkeldi, óler aldynda hat jazyp qaldyrǵan. Soǵan qaramastan ıývenaldy polısıa qyzmetkerleri tıisti tergeý sharalaryn qolǵa aldy", - dep habarlady Almaty oblysy polısıa departamentiniń resmı ókili Kóbeıhan Nurahmet.

Ustazdarynyń aıtýynsha, jasóspirim men basqa oqýshylar arasynda kıkiljiń bolmapty. Kerisinshe, balalar synyp belsendisinen úlgi alyp júredi eken. Al oqýshynyń nege óz-ózine qol salǵany beımálim.

"Bala únemi menimen sóılesip, oıymen bólisip, usynystaryn aıtatyn. Basqa balalarmen renjisken emes. Áleýmettik jelilerde de eshteńe jazbaǵan. Otbasynda bári durys edi, ata-anasy balalaryna jaqsy qaraıtyn. Nege bulaı bolǵanyn elestetý qıyn", - deıdi Talǵar aýdanyndaǵy № 19 mekteptiń muǵalimi Aıdar Mamyshev.

Usynǵan: Ásel Bolatqyzy