Sheshenstan Respýblıkasynyń prezıdenti Ramzan Kadyrovtyń alǵashqy nemeresi dúnıege keldi. Bul týraly memleket basshysy áleýmettik jelidegi paraqshalarynda jarıalaǵan dep habarlaıdy Qamshy.kz aqparat agenttigi.

"Meniń qymbatty nemerem, meniń Turpal-Álıim, sen áli tym kishkentaısyń. Biraq, seni bizge syılaǵan Jaratýshy, seniń áli bekip úlgermegen moınyńa úlken jaýapkershilik júktedi. Birinshiden, saǵan ıslam dáýiriniń uly jaýyngeri ımam Álıdiń atyn berdik, ekinshiden, seniń ákeń Paıǵambarymyzdyń aǵasy Hamzanyń esimin arqalap júr jáne úshinshiden, sen sheshen halqynyń umytylmas qutqarýshysy Ahmat-qajynyń shóberesisiń. Mine, balaqaı, ózińe qandaı jaýapkershilik artylǵanyn kórdiń be?" - degen jazba arqyly sheshen lıderi "Vkontaktedegi" paraqshasynda qýanyshymen bólisti.

Esterińizge sala ketsek, Ramzan Kadyrovtyń 10 balasy bar, kenjesi – Abdýllah – 2016 jyly dúnıege kelgen bolatyn.

Usynǵan: Dáýren Sybanbaı