Ózbekstan men Reseı atom elektr stansıasynyń qaı jerge salynatyny týraly ortaq sheshimge keldi dep habarlaıdy Qamshy.kz aqparat agenttigi RIA Novostı portalyna silteme jasap. Bul - Ózbekstan aýmaǵynda salynǵaly jatqan alǵashqy AES.

Reseıdiń Syrtqy ister mınıstri Sergeı Lavrov Ózbekstan prezıdentimen bolǵan kezdesýden soń: "Prezıdent Shavkat Mırzaev AES týraly jobanyń damyp kele jatqanyna rızashylyq bildirdi jáne joba júzege asyrylatyn aýmaq týraly da ortaq mámilege keldik ",- dep málimdedi.

Sonymen qatar, jaqyn arada Reseı men Ózbekstan arasynda osy taqyryp aıasynda keńes otyrysy ótetinin de aıtyp ótti.

Ózbekstan prezıdenti 8 aqpanda eldegi atom energetıkasyn damytýdyń 2019-2029 jyldarǵa arnalǵan tujyrymdamasyn bekitken bolatyn. Tujyrymdamanyń basty maqsaty jalpy qýaty 2,4 GVT bolatyn AES- tyń qurylysyn jáne qaýipsiz jumys jasaýyn qamtamasyz etý. Stansıanyń qurylysy 2022 jyly bastalyp, Reseı úkimetinen tartylatyn nesıe esebinen júzege asyrylmaq.

Usynǵan: Dáýren Sybanbaı