Ahmetjan Esimov baronesa Emma Nıkolsonmen kezdesti dep jazady Qamshy.kz aqparat agenttigi. 

«Samuryq-Qazyna» UÁQ» AQ Basqarma tóraǵasy Ahmetjan Esimov Brıtan premer-mınıstriniń Qazaqstandaǵy saýda elshisi, Qazakstan-Brıtan iskerlik keńesiniń tóraǵasy baronesa Emma Nıkolsonmen, sondaı-aq London qor bırjasynyń bastapqy kapıtal naryǵy basqarmasynyń basshysy Robert Barnspen kezdesti.

Kezdesý Qazaqstan men Ulybrıtanıa arasyndaǵy saýda-ekonomıkalyq yntymaqtastyqty damytý aıasynda ótti.

«Saýda-ekonomıkalyq yntymaqtastyqty damytýdyń belsendi qarqynynyń arqasynda Qazaqstan men Ulybrıtanıa arasyndaǵy ekijaqty qarym-qatynastar ózara  baılanystyń joǵary deńgeıine jetti. «Samuryq-Qazyna» brıtandyq seriktestermen birge ekijaqty ınvestısıalyq jáne iskerlik yntymaqtastyqty damytýda belsendi ról atqarady»,- dedi  Esimov. 

Kezdesý barysynda taraptar Qazaqstan Respýblıkasynyń Tuńǵysh Prezıdenti N.Á.Nazarbaevtyń 2015 jyly Ulybrıtanıaǵa barǵan saparynyń aıasynda sol jyly qurylǵan Qazaqstan-Brıtan iskerlik keńesi (QBİK) aıasynda birlesken qyzmettestiktiń perspektıvalaryn talqylady.

Sonymen qatar, A. Esimov qatysýshylarǵa Qordyń IPO-ǵa josparlaryn usynyp, kompanıalar tobynyń jekeshelendirý baǵdarlamasy men ınvestısıalaý úshin qolaıly jaǵdaı jasaý týraly málimdedi.

Óz kezeginde, baronesa aldaǵy IPO-ǵa qyzyǵýshylyq tanytyp, ınvestısıalyq yntymaqtastyqty damytýǵa jan-jaqty qoldaý kórsetýge daıyn ekendigin bildirdi.

Kezdesý sońynda taraptar osy jyldyń kúzinde ótetin Qazaqstan-Brıtan áskerlik keńesin talqylady.

Aıta ketken jón, 2018 jyldyń qarashasynda «Samuryq-Qazyna» AQ ózine tıesili «Qazatomónerkásip» ulttyq atom kompanıasynyń» 15% aksıasyn London qor jırjasynda jáne AIFC bırjasynda ornalastyrdy. 

Bıylǵy jyly «Eır Astana» AQ-nyń jáne «Qazaqtelekom» AQ-nyń IPO-ny ótkizý josparlanyp otyr. «Eır Astana» áýekompanıasy AIFC jergilikti bırjasynda jáne shetelde Londonda ornalasady dep boljanyp otyr.

Usynǵan: Ásel Bolatqyzy