Sultan Beıbarys alańynda ótken konserttik baǵdarlamany tamashalaýǵa myńnan astam kórermen jınaldy, dep habarlaıdy Qamshy.kz aqparat agenttigi Óńirlik komýnıkasıalar qyzmetiniń deregin negizge alyp. 

Atyraýda Qazaqstan halyqtary birligi kúnine arnalǵan merekelik sharalar bastaldy. Sultan Beıbarys alańyndaǵy konserttik baǵdarlama myńnan astam kórermendi jınady. Mereke qonaqtary úshin jergilikti 500-ge jýyq ártis óner kórsetti.

Atyraý oblysynyń ákimi Nurlan Noǵaev quttyqtaý sózinde el aýmaǵynda ómir súrip jatqan ulttar men ulystardyń birligi men kelisimi arqasynda Qazaqstanda beıbitshilik saltanat quryp turǵanyn atap ótti.

"Qazaqstanda 130, bizdiń oblysta 20-dan astam ult pen ulystyń ókilderi turady. Elbasynyń dana saıasatynyń arqasynda Qazaqstan búkil álemge dinaralyq, konfesıaaralyq saıasaty joǵary damyǵan el retinde tanymal. Biz bul úlgi men tájirıbeni qazaqstandyqtarǵa  amanattaýymyz kerek",-dedi óńir turǵyndaryna Nurlan Noǵaev.

Merekelik sharalar QR Ulttyq gvardıasy ansambliniń konsertimen jalǵasty. Búgin saǵat 20.00-de Atyraý turǵyndary men qonaqtary úshin aımaqtaǵy shyǵarmashylyq ujymdar merekelik konserttik baǵdarlama usynady.

Usynǵan: Ásel Bolatqyzy