QR Májilis depýtattary Azǵyr óńiriniń turǵyndarymen kezdesý ótkizdi, dep xabarlaıdy Qamshy.kz aqparat agenttigi Atyraý oblysynyń Óńirlik komýnıkasıalar qyzmetiniń deregin negizge alyp. İs-sapardyń basty maqsaty — Azǵyr óńirine gaz tartý jáne onyń jumys barysymen tanysý. 

Turǵyndarmen kezdesýge Parlament depýtattary Baqtyqoja İzmuhambetov, Abaı Tasbýlatov, Taras Hıtýov, Sergeı Sımonov jáne Atyraý oblysy ákiminiń birinshi orynbasary Serik Shapkenov keldi.

Óz sózinde QR Májilis depýtaty Baqtyqoja İzmuxambetov aǵymdaǵy jyldyń mamyr aıynyń sońyna deıin 10 eldi mekenge gaz tartylatynyn atap ótti.

"Bul eldi mekendegi eń úlken jumys — gaz júrgizý. Oblys ákimi Nurlan Noǵaev osy úlken jumysty bitirgeli jatyr. Jańa biz jumys barysynyń qalaı júrip jatqanyn qarap óttik. Uzyndyǵy 365 shaqyrymdy quraıtyn jumys sátti aıaqtalǵaly jatyr. Aldymyzdaǵy mamyr aıynyń aıaǵynda iske qosylýy tıis. Bul jerge bir aıdyń kóleminde kógildir otyn jetetin bolady. Sonda 10 eldi meken gazben qamtylatyn bolady. Bunyń bári Elbasynyń jeke týǵyzyp otyrǵan múmkindiginiń arqasy", - dedi májilis depýtaty Baqtyqoja İzmuhambetov.

Sondaı-aq, depýtat ataýly áleýmettik kómek, kópbalaly, az qamtylǵan otbasylardy qoldaý jáne jalaqy ósirý tóńireginde Elbasy qabyldaǵan tapsyrmalardy halyqqa tanystyryp ótti.

Jıyn sońynda májilis depýtattary turǵyndardyń kókeıkesti suraqtaryna jaýap berdi. 
Aıta keteıik, bul joba 8 myń turǵyny bar 10 eldi mekendi qamtıdy. Azǵyr aımaǵyndaǵy gaz qubyrynyń jalpy uzyndyǵy 365,242 kılometrdi quraıdy.

Usynǵan: Ásel Bolatqyzy