–Qytaı Halyq Respýblıkasynyń basshysy Sı Szınpın men premer-mınıstri Lı Kesán atyshýly "Taqtar oıyny" telehıkaıasynyń turaqty kórermenderiniń qatarynda dep habarlaıdy Qamshy.kz aqparat agenttigi Lenta.ru saıtyna silteme jasap.

Sı Szınpın Pekındegi kezdesýlerdiń birinde "Biz ózimiz ómir súrip jatqan álemdi Vestersonnyń jeti patshalyǵyndaǵy sekildi surapyl soǵysqa aınaldyryp almaýǵa tyrysýmyz kerek" degen sózimen ataqty telehıkaıanyń sújetin eske túsirdi. Bul jaǵdaı kezdesý qonaqtaryn qatty tańdandyrǵan. Basylymnyń basqa da aqparattaryna sensek, Sı men Lı kún tártibi men jumys kestesiniń tym tyǵyzdyǵyna baılanysty súıikti telehıkaıalarynyń arnaıy qysqartylǵan nusqasyn ǵana tamashalaıdy eken.  

Sı Szınpın óziniń hobbıi men qyzyǵýshylyǵy týraly kóp aqparat bermeıdi. Qytaı basshysynyń fılosofıamen, tarıh, ádebıet, mýzyka jáne sportpen áýestenetinin bilemiz. Bul týraly Sı Szınpınniń ózi amerıkalyq ýnıversıtettiń stýdentterimen kezdesýi kezinde aıtqan.

Aýdarǵan: Dáýren Sybanbaı