9-maýsymda ótetin kezekten tys prezıdent saılaýyna memlekettik búdjetten bólinetin qarajat mólsheri belgili boldy dep habarlaıdy Qamshy.kz aqparat agenttigi OSK saıtyna silteme jasap.
Joǵaryda baıandalǵannyń negizinde Ortalyq saılaý komısıasynyń "2019 jylǵy 9 maýsymǵa taǵaıyndalǵan Qazaqstan Respýblıkasy Prezıdentiniń kezekten tys saılaýynda respýblıkalyq búdjet qarajatynan óteletin Qazaqstan Respýblıkasy Prezıdenttigine kandıdat shyǵystarynyń mólsherin belgileý týraly" qaýlysy qabyldandy.
Qaýlyda Qazaqstan Respýblıkasy Prezıdenttigine kandıdat shyǵystarynyń mólsheri 7 331 200 (jeti mıllıon úsh júz otyz bir myń eki júz) teńge kóleminde belgilendi.
Baıandama kezinde spıker kandıdattardyń saılaý qorlary týraly aıtyp ótti.
Prezıdenttikke kandıdattyń saılaý qory:
1) kandıdattyń óz qarajaty jáne ony usynǵan respýblıkalyq qoǵamdyq birlestik kandıdatqa bólingen qarajattyń jalpy somasy zańnamada belgilengen eń tómengi jalaqynyń on eki myń ese mólsherinen aspaıdy, bul 510 000 000 (bes júz on mıllıon) teńgeni quraıdy.;
2) respýblıkanyń azamattary men uıymdarynyń erikti qaıyrmaldyqtarynyń jalpy somasy zańnamada belgilengen eń tómengi jalaqy mólsherinen on bes myń eseden aspaıdy, bul 637 500 000 (alty júz otyz jeti mıllıon bes júz myń) teńgeni quraıdy.
Belgilengen mólsherden tys artyq túsken aqsha qarajaty saılaý qorlaryna eseptelýge jatpaıdy jáne olardy engizgen azamattar men uıymdarǵa qaıtarylady.
Anonımdi qaıyrmaldyqtar respýblıkalyq búdjet kirisine aýdarylady.
Saılaý qorlaryna tek zańdy jolmen alynǵan qarajat ǵana jiberilýi múmkin.
Saılaý qorynyń qarajatyna bılik etý quqyǵy Qazaqstan Respýblıkasynyń Prezıdenttigine kandıdattarǵa ǵana tıesili.
Kandıdat óz kandıdatýrasyn alǵan nemese kandıdatty tirkeý týraly sheshimniń kúshi joıylǵan jaǵdaıda saılaý qoryna túsken aqsha olardy engizgen azamattar men uıymdarǵa qaıtarylady. Bul rette kórsetilgen qarajatty qaıtarýǵa baılanysty shyǵystar olardy engizgen azamattar men uıymdardyń esebinen óteledi.
Saılaý qorytyndylary anyqtalǵannan keıin kúntizbelik bes kúnnen keshiktirmeı kandıdat Ortalyq saılaý komısıasyna saılaý qoryna aqsha túsimderiniń kózderi jáne barlyq jumsalǵan shyǵyndar kórsetiletin óz saılaý qorynyń qarajatyn paıdalaný týraly esep berýi qajet.
Usynǵan: Ádilet Mádenıet
