Aqtaý qalasynda «Kitap álemdi baǵyndyrady» aksıasy aıasynda 800-den astam adam bir-birine kitap syılady. Oblys ortalyǵyndaǵy Nazarbaev Zıatkerlik mektebiniń kitaphanashylarynyń uıymdastyrýymen ótken aksıaǵa mektep oqýshylary, ata-analar jáne muǵalimder qatysty.

• Shara bıyl úshinshi jyl qatarynan ótkizildi. Qatysýshylardyń qyzyǵýshylyǵy artqanyn ótken jylǵy statısıkalarmen salystyrý arqyly anyqtaı alamyz. Alǵashqy jyly 790 adam qatyssa, ótken oqý jylynda 725 qatysýshy boldy. Al bıyl 800-den asa adam qupıa oqyrmanyn izdedi, - deıdi mektep kitaphanashysy Dınara Qaıratbekqyzy.

Aksıaǵa qatysýshy kitaphanashydan nomer alyp, qupıa oqyrmannyń jas ereksheligin anyqtap, keıin oǵan kitap tańdaıdy. Aksıanyń ótkizilý kúninde barlyq qatysýshylar óz nomerlerin ártúrli qyp taǵyp, qupıa kitaptaryn izdeıdi.

• Men, búgin Anatolıı Prıstavkınniń «Nochevala týchka zolotaıa» shyǵarmasyn belgisiz oqyrmanyma syılaımyn. Meniń bilýimshe, meniń oqyrmanym mektep oqýshysy. Sondyqtan oǵan qyzyqty bolady degen oıdamyn deıdi «230» nómirin sýyrǵan, - deıdi orys tili pániniń muǵalimi Burysh Ýtesınova.