Ońtústik Qazaqstan oblysy Qarabulaq aýylynda 15 jastaǵy qyz balany 3 er kisi zorlaǵannan keıin jetkinshek ózine qol salǵan. Jantúrshigerlik jaǵdaıǵa baılanysty jabyq sot júrip jatyr.

Zorlanǵan jetkinshek áli kámelettik jasqa tolmaǵandyqtan, is kámelettik jasqa tolmaǵandarǵa qatysty mamandandyrylǵan aýdanaralyq sotta jabyq túrde qaralýda. 2014 jyldyń jazynda Qarabulaq aýylynyń 15 jastaǵy turǵyny sirke sýyn iship, ómirmen qosh aıtyspaq bolǵan. Ózine qol salǵan jetkinshekti dárigerler der kezinde aman alyp qaldy. Keıin týystary suraqqa alǵannan keıin qyz-bala ony úsh er kisiniń zorlaǵanyn aıtqan. Belgili bolǵandaı, jergilikti tis dárigerine emdelýge barǵan jetkinshekke dáriger aýyrsynýdy sezdirtpeıtin dárini shamadan tys bergen. Saldarynan qyz-bala es-tússiz kúıge túsken. Esin jınaǵanda oqýshy dárigerdiń úıinde ekenin túsingen. Er kisi eki dosymen birigip, jetkinshekti kúni boıy úıinde kúshpen ustap, zorlaǵan. Sot ázirge kúdiktige qatysty úkim shyǵarmady.