AQSH prezıdenti Donald Tramp Reseıdi jaý sanamaıdy. Bul týraly Qamshy.kz aqparat agenttigi  TASS saıtyna silteme bere otyryp jazady.

Memleket basshysy Berlınniń NATO aldyndaǵy mindettemelerine sáıkes áskerı shyǵyndardy JİÓ-di 2 paıyzǵa deıin kóterýdi qalamaǵany úshin Germanıa saıasaty týraly sóz etti. Onyń aıtýynsha, Germanıa "Soltústik aǵyn-2" gaz qubyryn salý úshin aı saıyn Reseıge mıllıardtaǵan dollar tóleıdi.

"Kútilgendeı, biz Germanıany Reseıden qorǵaýymyz kerek. Biraq Germanıa «jaý» dep atalatyn memleketke qun tóleıdi eken", - dedi Tramp, sózin jalǵaı  otyryp Máskeýdi ózderine qarsy qoıǵysy kelmeıtinin aıtty.

Ol Máskeý jáne Pekınmen qarym-qatynasty jaqsartqysy keletinin moıyndady. "Tek aqymaq adamdar kelissózder júrgizbeıdi", - dedi amerıkandyq lıder.

Esterińizge sala keteıik, AQSH memlekettik hatshysy Maıkl Pompeo aıtqandaı, Amerıka "Soltústik aǵyn-2" qurylysyn aıaqtaýǵa jol bermeý kerek. Onyń pikirinshe, jobany júzege asyrýy Eýropa saıasatyn Máskeýge táýeldi qylady.

"Soltústik aǵyn-2" - bul Reseıden Germanıaǵa Baltyq teńiziniń túbinen salynyp jatqan gaz qubyr jobasy. Ol Fınlándıa, Shvesıa jáne Danıanyń aýmaqtyq sýlary nemese ekonomıkalyq aımaqtary arqyly ótedi.

Aýdarǵan: Bek Baıtas