Almaty - Bishkek tasjolynda bolǵan jol apatynan toǵyz adam qaza tapty, - dep habarlaıdy Qamshy.kz aqparat agenttigi Almaty oblystyq polısıa departamentiniń baspasóz qyzmetine silteme jasap.
Jol-kólik oqıǵasy keshe, 12 mamyrda tańǵy ýaqytta tasjoldyń 109-shaqyrymynda bolǵan. Lada men Toyota Camry kólikteri soqtyǵysqan. Polısıadaǵylardyń málimetinshe, qaza tapqan toǵyz adamnyń úsheýi - áıel adamdar.
"Qaza tapqandardyń aty-jóni anyqtaldy. Olar – Almaty, Shymkent, Túrkistan jáne Almaty oblystarynyń turǵyndary qaza tapty. Aldyn ala nusqa boıynsha, Lada júrgizýshisi kólik tizginine ıe bola almaı, qarsy jolaqqa shyǵyp ketip, Toyota Camry kóligimen soqtyǵysqan. Jol apaty deregi boıynsha qajetti saraptamalar taǵaıyndalyp, QR Qylmystyq kodeksiniń 345-babynyń 4-bóligi boıynsha sotqa deıingi tergeý bastaldy", - dep habarlady Almaty oblystyq polısıa departamentiniń baspasóz qyzmetindegiler.
Vedomstvo ókilderi jol apatyna qatysty tergeýdiń baqylaýda ekenin jáne oblystyq polısıa ókilderiniń derekti óndiriske alǵanyn aıtty.
Usynǵan: Maqpal Sembaı
