Saılaý kezinde keıde kútpegen jaǵdaılar bolyp jatady. Onyń birine mán berip, birine nazar salmaýymyz múmkin. Tipti synǵa alatyn sátterimiz de joq emes. Saılaý kezinde árbir úmitkerdiń is-áreketi saılaýshylardyń nazarynda. Estimegen elde kóp bolsa da Qamshy.kz aqparat agenttigi interesno.org.ua saıtyna silteme jasaı otyryp, nazarlaryńyzǵa saılaýda bolǵan eń qyzyqty jaǵdaılardy usynady.

1. 1984 jyly Amerıkada prezıdent saılaýy kezinde Ronald Reıgan AQSH-tyń 50 shtaty boıynsha 49 shtattan daýys jınap, jeńiske jetken. Ol tek bir shtattyń 4 000 daýysyn jınaı almady.
2. Býtannyń sońǵy koroli óz halqynyń arasynda bedelge ıe bolǵany sonshalyq, 2011 jyly elde jańa demokratıalyq qurylym jasaýdy usynǵan kezde, memleket turǵyndary usynysqa qarsy jappaı narazylyqqa shyqqan.
3. Soltústik Koreıada prezıdent saılaýy árbir 5 jyl saıyn ótkiziledi, biraq búlletende bir ǵana úmitker bar.
4. 1996 jyly «Nú-Iork Taıms» gazetinde elde bolyp jatqan prezıdent saılaýynda kim jeńiske jetetini jasyrylǵan krosvord jarıalanady. Sonymen qatar, árip sany men bas árip árbir eki negizgi úmitkerdiń attaryna sáıkes kelgen.
5. Brazılıalyq komık Tırırıka saılaý aldy jarysta: «Federaldy kongresmen ne isteý kerek? Onyń jaýabyn men bilmeımin. Biraq osy saılaýda maǵan daýys beretin bolsańyzdar, jaýabyn aıtýym «múmkin». Odan eshkimge zıan kelmeıdi», - degen eken. Ol saılaý qorytyndysy boıynsha Brazılıa tarıhyndaǵy ekinshi kongresmen bolǵan. Oǵan 2010 jyly 1 348 295 adam daýys berdi.
6. AQSH-tyń 6-shy prezıdenti Djon Kýınsı Adams, saılaýshylardyń jetkilikti daýysyn jınaı almasa da jeńiske jetken. Óıtkeni AQSH-tyń zańy boıynsha prezıdentti qarapaıym saılaýshylar emes, Arnaıy ókilder palatasy tańdaıdy. Al Adamstyń ol jerde dostary kóp bolǵan.
7. Saddam Hýseın 2002 jyly óziniń prezıdenttik kampanıasyna Ýıtnı Hústonnyń «I Will Always Love You» ánin qoldanǵan.
8. Avstralıada saılaýǵa qatysý mindetti. Eger belgili bir sebebi bolmasa, 18 jastan asqan azamattar saılaýǵa qatyspasa aıyppul salynady.
9. Lıberıa prezıdenti Charlz Kıng 1927 jyly 234 000 daýys jınap jeńiske jetedi. Bul jerde bir shıkilik bar edi. Óıtkeni sol sátte tirkelgen saılaýshylardyń sany 15 000 bolatyn. Sol sebepti ol Gınnester rekordy kitabyna tarıhtaǵy eń jalǵan saılaý bolyp endi.
10. 2010 jyly Islandıadaǵy saıası-satıralyq partıa Reıkávıke, saılaý aldyndaǵy bergen ýádeleriniń eshbirin de oryndamaıtynyn ashyq jarıalaǵan. Biraq saılaýshylardyń 34,7%-y dál osy partıany tańdaǵan.
11. Jańa Zelandıanyń áıelderi 1893 jyly saılaý quqyǵyna ıe bolǵan. Sonymen qatar, Jańa Zelandıa áıelderge saılaý teńdigin bergen alǵashqy memleket.
12. Iegova kýágerleri eshbir saılaýǵa qatyspaıdy.

Daıyndaǵan: Marjan Sábet