Ámirjan Qosanov óziniń alǵashqy úgit-nasıhat jumystaryn Soltústik Qazaqstan oblysy, Maǵjan Jumabaev aýdany, Býlaev qalasynan bastady. Prezıdenttikke kandıdattyń alǵashqy kezdesýiniń vıdeosyn Youtube jelisine jarıalady dep jazady Qamshy.kz aqparat agenttigi.
Áleýmettik jelide "Ámirjan Qosanov úgit-nasıhat jumystaryn ne sebepti shalǵaı ári orys tildi aýdannan bastady?" degen suraq týyndap, qyzý talqylanýda. Qosanov óziniń feısbýk paraqshasy arqyly bul suraqqa jaýap berdi.
"Saılaý naýqany alǵashqy kúniniń alǵashqy kezdesýin uly aqyn Maǵjan Jumabavtyń týǵan jerinde ótkizdim. Meniń baǵdarlamamda Alash Orda ıdeıasyn memlekettik ıdeıanyń ustyny etý týraly bap bar.
Maǵjan aqyn Alash Orda úkimetiniń kósemderiniń biri bolǵan. Basty sımvolızm sonda!
Onyń ústine saıasatkerler kóbinese ortalyqtaǵy qalalarmen shektelip jatady. Aýylǵa da baryp turý kerek!
Ár kezdesýdiń óz orny bar. Myna kezdesý Reseımen jaqyn ornalasqan, basqa ult ókilderi barshylyq qalada ótti. Sondyqtan orys tiline de júginip otyrýǵa týra keldi.
Ár kezdesýden vıdeo jiberip otyrý paryz emes shyǵar. Óıtkeni baǵdarlama týraly áńgime qaıtalanyp otyrýy múmkin. Sondyqtan osy messedjimdi barsha Qazaqstanǵa, onyń úlkendi-kishili qalalary men shalǵaıdaǵy aýylyna arnalǵan habar dep bilersizder", - dep jazdy Ámirjan Qosanov.
Daıyndaǵan: Ásel Bolatqyzy
