Qytaıdan shyqqan hakerler birneshe jyldar boıy reseılik memlekettik qurylymdar men kompanıalarynyń plandy operasıalyq júıelerine shabýyl jasap kelgen. Muny Positive Technologies jáne «Kasperskıı» komapanıalary anyqtady, dep jazady Qamshy.kz aqparat agenttigi «Kommersant» saıtyna silteme jasap.

Positive Technologies málimdeýinshe, hakerlik top ózderin TaskMasters dep ataıdy. Bul top 9 jyldan astam beri aqparat urlaýmen aınalysady. Ártúrli salada jumys jasaıtyn 30 kompanıa hakerler qoldarynan zardap shekken. Top músheleriniń koldanǵan kodtarda qytaılyq IP-adres jıi shyǵyp turady.

«Kasperskıı» baıandamasynda olar bul topty BlueTraveler dep atap, 2016 jyldan beri baqylaýǵa aldy. Kompanıa málimetinshe, top músheleri bir-birimen qytaı tilinde sóılesedi. Toptyń negizgi shabýyl jasaý aımaǵy – Reseı jáne TMD memlekettik organdary bolyp turady.

«Kasperskıı» ókilderiniń aıtýynsha, osyndaı shabýyldardyń artynda ónerkásiptik tyńshylyq nemese saıası barlaý bolýy múmkin.

 Aýdarǵan: Ildar Adılchenov