Lıtva memleketin aldaǵy bes jyl boıy basqaratyn jańa prezıdenttiń esimi jeksenbi kúni de anyqtalmady. Saılaýda úmitker bolǵan toǵyz qatysýshynyń da daýys sany orta eseppen 50%-dan asqan joq. Eki aptadan keıin bolatyn ekinshi aınalymǵa birinshi kezeńde oza shapqan eki úmitker ǵana ótedi dep habarlaıdy Qamshy.kz aqparat agenttigi Rambler saıtyna silteme jasap.

Saılaý komıteti ókilderiniń aıtýynsha, jeksenbiden dúısenbige qaraǵan túni 54-jastaǵy ekonomıs Gıtanas Naýseda 31,18% daýys jınasa, 44-jastaǵy qarjy salasynyń eks-mınıstri Ingrıda Shımonıte   27,16%-ǵa ıe boldy.

Saılaýǵa úmitker bolǵan Lıtva eliniń premer-mınıstri 48-jastaǵy Saýlús Skvernálıs úshinshi orynda qalǵany úshin ókilettiligin toqtatýǵa sheshim qabyldady.

–Saıasatker retinde bul jeńilisti halyqtyń bergen baǵasy dep bilemin jáne onymen tolyqqandy kelisemin. Premer-mınıstr retinde ókilettiligimdi toqtatamyn,-dedi Skvernálıs.

Kóptegen saıasat mańynda júrgen adamdardyń aıtýynsha, ol sońǵy on jylda eldiń ekonomıkasyn kóterýge belsene atsalysqan azamattardyń biri.

Aldaǵy ýaqytta Lıtvanyń bolashaq prezıdentinen halyq úlken úmit kútip otyr.

Aýdarǵan: Bek Baıtas