2019 jyly 26 sáýirde Kolýmbıa okrýginiń okrýgtik soty (AKSH) amerıkalyq kompanıalardyń - Turan Petroleum, Inc. (Delaver shtaty), Energyfund, Inc. (Kolýmbıa okrýgy) jáne Trustees for Trek Resources, Inc. (Nevada shtaty) (budan ári - Talapkerler) Qazaqstan Respýblıkasynyń Energetıka mınıstrligine qarsy (Qazaqstan Respýblıkasynyń Munaı jáne gaz mınıstrligi) 180 mln AQSH dollarynan asatyn kólemdegi talap-aryzyn qabyldamady dep habarlaıdy Qamshy.kz aqparat agenttigi QR Ádilet mınıstrliginiń http://www.adilet.gov.kz saıtyna silteme jasap.

Talap-aryzǵa sáıkes Arys jáne Aral munaı-gaz ken oryndaryn ıgerý jáne paıdalaný týraly konsesıalyq kelisimsharttardyń talaptary, sonymen qatar AQSH pen Qazaqstan arasyndaǵy Investısıalardy kótermeleý jáne ózara qorǵaý týraly kelisim («Ekijaqty ınvestısıalyq kelisim») boıynsha Talapkerlerdiń quqyqtary buzylǵany, fıdýsıarlyq mindetter oryndalmaǵany, ádiletsiz túrde paıda tabý, faktilerdi burmalaý jáne nemquraılylyq belgileri anyqtalǵan.

Sot bul isti AQSH-tyń «Sheteldik táýelsiz ımýnıtetter týraly» zańyn negizge ala otyryp, ıýrısdıksıa bolmaǵandyqtan qaraýyna  almady.