Shvesıa prokýratýrasy WikiLeaks saıtynyń negizin qalaýshy Djýlıan Assanjǵa qarsy tergeýdi qaıta qozǵady, dep jazady Qamshy.kz aqparat agenttigi RIA Novostı saıtyna silteme jasap.

«Assanjdyń kinásin aıqyndaıtyn aıtarlyqtaı negiz bar. Tergeýdi jabý týraly sheshim onyń sotqa qatysa almaǵandyqtan qabyldandy», - dedi aımaqtyq bas prokýrordyń orynbasary Eva-Marıa Persson.

Onyń aıtýynsha, «Ulybrıtanıadaǵy jazasyn ótegenen keıin» Shvesıa WikiLeaks saıtynyń negizin qalaýshysyn ekstradısıalaýyn suraıdy. Olar 2019 jyldyń tamyz aıyna deıin jaýap kútetinin habarlady.

Sonymen qatar, Assanjdan vıdeobaılanys arqyly jaýap alýǵa bolatynyn jetkizdi.

Esterińizge sala keteıik, 2010 jyly seksýaldy zábir kórsetý men zorlaý boıynsha Assanjǵa aıyp taǵyldy. Al 2012 jyly ol Shvesıaǵa ekstradısıalanyp ketpes úshin, Ulybrıtanıadaǵy Ekvador elshiliginde jasyrynyp júrdi.

Aýdarǵan: Ildar Adılchenov