Búgin Almaty qalasynda, ál-Farabı jáne Nazarbaev kósheleriniń qıylysynda "Umytylmas 1986-2011" degen jazýy bar banner paıda boldy dep habarlaıdy Qamshy.kz aqparat agenttigi The-village.kz saıtyna silteme jasap.

Ázirge bul bannerdiń kimge tıesili ekeni jáne ustalǵandardyń bar-joqtyǵy týraly aqparat jarıa bolǵan joq.

Biraq...

"Bıylǵy kóktemdegi bılik aýysymyna, saılaý naýqanyna qarsylyq bildirip jatqandar – 1930 jyldardaǵy asharshylyq, repressıany, 1986 jylǵy jeltoqsan kóterilisin, 2011 jylǵy tolqýlardy umytpaǵan azamattar. Bul qurbandyqtardy umytý múmkin emes. Biz ózimizdiń búgingi ahýalymyz ben quqyǵymyz úshin kúrese beremiz. Biz azat bolýdy qalaımyz jáne tańdaımyz", - degen mátindegi jazbany rukh2k19 dep atalatyn Instagram qoldanýshysy jarıalady.

Eske sala keteıik, birshama ýaqyt buryn ál-Farabı dańǵylynyń boıynda "Edınstvennym ıstochnıkom gosvlastı ıavláetsá narod" degen jazýy bar banner ilgeni úshin Roman Zaharov qamaýǵa alynǵan edi.

Oǵan "Kishigirim buzaqylyq" jasady degen aıyp taǵylyp, Ákimshilik kodekstiń 434-baby, 1-bólimi boıynsha jaýapkershilikke tartylǵan.

Aýdarǵan: Ádilet Mádenıet