Bıylǵy jas túlekterdiń júregin tolqytyp júrgen UBT kúni jaqyndap qaldy. Osyǵan oraı, Qamshy.kz aqparat agenttigi jas túlekterdiń kókeıindegi birshama suraqtarǵa jaýap beretin jazba jarıalaýdy jón kórdi. Atalmysh jazba QR BǴM áleýmettik jelidegi paraqshasynda jarıalandy. 

Birinshisi jáne eń mańyzdysy – UBT formaty boıynsha buryńǵydaı qalady jáne format boıynsha ózgerister bolmaıdy.

Pánderdiń sany buryńǵydaı 5 jáne test tapsyrmalary – 120, maksımaldy baldar sany – buryńǵydaı, ózgermegen, 140.
Talapker ádettegideı 3 mindetti pánderdi tapsyrady:

- Qazaqstan tarıhy,

- matematıkalyq saýattylyq,

- oqý saýattylyǵy.

Jáne ózi tańdaǵan mamandyq boıynsha 2 salalyq pánder.

Ekinshisi

2019 - jyldan bastap endi UBT jylyna 4 ret ótkiziletin bolady: qańtar, naýryz, maýsym jáne tamyzda. Esterińizge sala keteıik, osyǵan deıin 3 ret bolatyn: maýsym, tamyz, qańtarda.

Qańtardaǵy, naýryzdaǵy jáne tamyzdaǵy UBT-ge qatysqan talapkerge sertıfıkatpen JOO-nyń tek aqyly bólimderine ǵana túsýge quqyq beredi, al testige qatysý aqyly bolady.

Osy úsh testileýdiń nátıjesi boıynsha basqa úlgidegi sertıfıkattar beriledi, jánede olar grant alýǵa jaramaıdy.
Eger talapker memlekettik grant alǵysy kelse, onda ol mindetti túrde maýsymda UBT tapsyryp, tek sonyń qorytyndysy boıynsha ǵana grant baıqaýyna qatysa alady, jáne de joǵary bal jınaǵan kezde ǵana búdjet esebinen bilim ala alady.

Aqyly bólimge túsý úshin talapkerlerge 4 UBT birine qatysyp, shekti bal jınasa jetkilikti.

Mysaly, talapker qańtardaǵy UBT qatysyp, 120 bal jınaıdy – endi ol 1-shi aqpanda JOO qabyldaý komısıasyna baryp, birden shartty túrde aqyly bólimge tirkele alady, al eger sońyra grant alǵysy kelip, maýsymda UBT qatysyp 50 bal jınasa, onda ol qańtardaǵy 120 bal jınaǵan sertıfıkatyn kórsetip, grantqa úmittene almaıdy. Grant úshin UBT maýsymdaǵy nátıjesi ǵana jaramdy, sondyqtan ol aqyly túrde oqýǵa túse alady.

Úshinshisi

Qańtarda UBT-ge 3 sanattaǵylar qatysa alady:

1. 11 nemese 12 bitirýshi synyptardyń oqýshylary;

2. qyrkúıekte JOO-na shartty túrde oqýǵa túskender;

3. shyǵarmashylyq mamandyqtardan basqa mamandyqtarǵa aýysyp jatqan stýdentter.

Naýryzda UBT tek 11 nemese 12 bitirýshi synyptardyń oqýshylary ǵana tapsyrady.

Maýsymda grantqa úmitker barlyq sanattar tapsyra alady.

Tamyzda - aqyly bólimge túsetinder jáne osyǵan deıin qajetti bal jınaı almaǵandardyń barlyǵy.

Tórtinshisi

Shyǵarmashylyq mamandyqtardan basqa mamandyqtarǵa aýysqysy keletin stýdentter úshin eki salalyq pán boıynsha emtıhan tapsyrýlary kerek. Sebebi olar shyǵarmashylyq mamandyqtarǵa oqýǵa túskende salalyq pánder boıynsha testiler tapsyrmaǵan, sondyqtan bul mamandyqtardan aýysý kezinde osy aıyrmashylyqty tapsyrýlary tıis.

Barlyq túlekterge sertıfıkattarmen birge aqparattyq paraqshalar beriledi, onda siz qujatttar tapsyra alatyn bilim berý baǵdarlamalarynyń tizimi; aǵymdaǵy jyly bólinetin granttar sany; ótken jyldardaǵy granttyq baıqaýlardyń nátıjeleri jáne ótken jyldyq jartylaı shekti baldary kórsetilgen. Bul qujatqa nazara aýdarý kerek.

Besinshisi

Daıyndyq baǵyttarynyń jańa toptaýshysy.

Jańa toptaýshynyń engizilýine baılanysty granttar bilim berý baǵdarlamalar toptaryna bólinip taratylady.
Mysaly, "Aqparattyq tehnologıalar" sekildi top bar, onyń quramyna Informatıka, Aqparattyq júıeler, Blogcheın, Bıg data jáne t.b. aqparattyq baǵdarlamalar enetin toptar bar.

Aıtalyq, bul topqa 1 000 grant bólindi delik, bul granttarǵa baıqaý osy topty kórsetken toptar sheńberindegi úmitkerler arasynda ótedi. Úmitkerlerge osy top boıynsha grant úlestirilgen soń, ol ýnıversıtetke qabyldanady jáne osy baǵdarlamalar toptarynyń sheńberinde naqty baǵdarlamany ózi tańdaıdy. Iaǵnı, eger Aqparattyq tehnologıalar boıynsha grant utyp alsa, keıin Bıg data nemese osy top ishindegi basqa da baǵdarlamany tańdaı alady.

Usynǵan: Ádilet Mádenıet