Aqtaý qalasynyń kósheleriniń birinde áıelderge arnalǵan kóılek kıip, baǵdarshamda "jarqyrap" júrgen er adamdy polısıa qyzmetkerleri quryqtady dep habarlaıdy Qamshy.kz aqparat agenttigi lada.kz saıtyna silteme jasap.

Polısıa qyzmetkerleri bul azamatty 2-yqshamaýdanda ornalasqan "Alataý" saýda ortalyǵynyń mańynda ustaǵan. Vıdeoda álgi azamattyń tártip saqshylaryna barynsha qarsylyq kórsetip jatqany baıqalady. Tipti, ony patrúldik kólikke otyrǵyzý úshin kúsh qoldaný qajet bolǵan.

Kýágerlerdiń aıtýy boıynsha, jelide tanymal bolǵan kóılektegi azamat birneshe ret áýesqoılar kamerasynyń nysanasyna ilikken.

Polısıa departamentiniń málimdeýinshe, bul azamatqa Qazaqstannyń Ákimshilik kodeksiniń "Kishigirim buzaqylyq" baby boıynsha is qozǵalyp, jaýapqa tartylmaq.

Usynǵan: Ádilet Mádenıet