Mekke búkil álemdegi barsha musylmandardyń qasıetti shahary ekenine qaramastan Mekke týraly biz bilmeıtin birneshe faktiler bar dep jazady Qamshy.kz aqparat agenttigi.

1. Bul qalada ańshylyq jasalynbaıdy. Tipti bul qalanyń butaǵyn syndyrý kúná jáne munda joǵalǵan bolmashy zatty ıemdenip alýǵa tyıym salynǵan.

2. Zámzám sýyn ishken jannyń tilegi qabyl bolady. Mekkede ornalasqan Ál-Haram meshiti aýmaǵynda Zamzam sýy bizdiń eramyzǵa deıin 2400 jyly tabylǵan dep sanalady. Ol Haıdjar men onyń uly Ismaılǵa tıesili bolǵan. Kóp uzamaı, Haıjar men Ismaıl barsha musylmandarǵa qasıetti sýdy ishýge ruqsat etken.

3. Mekke eshqashan ıslam ımperıasynyń astanasy bolmaǵan. Alaıda, musylman bıleýshileri "Mekke men Medınanyń qamqorshylary" degen resmı ataqqa ıe jáne qalany turaqty túrde qamtamasyz etip otyrady.

4. Bul "qajylyq" oryndalatyn jer betindegi jalǵyz meken. Mekkeni saf-saf bolyp perishteler qorǵap turady. Taý-taý keshirilmesteı kúná arqalap, pende munda anasynan jańa týylǵan sábıdeı pák bolyp, úıine oralady. Mekkege Alla shaqyrǵan adam ǵana keledi, ári munda kelgen adam Allanyń qonaǵy bolady.

5. Adamnyń oıy da kúná bolyp jazylatyn jer betindegi jalǵyz meken. Bul jerde mıllıondardyń kúnási tógiledi, zaǵıptyń kózi ashylady, múgedek aıaqqa turady, qınalǵannyń joly ashylady. Bul aımaqtaǵy 1 namaz basqa jaqtaǵy 100,000 namazǵa teń keledi. Ári munda jasalynǵan tilekter men Allanyń arasynda perde bolmaıdy.

6. Mekke qalasy buryn "Bakka" dep ataldy degen derekter bar. Degenmen, keıbir ǵalymdar "Bakka" degen ataý Mekkege emes, jaqyn mańdaǵy jerlerge qatysty dep esepteıdi.

7. Qasıetti Quranda mekke "Ýmm ál-Qura" dep atalady. Arab tilindegi Ýmm ál-Qura ataýy "barlyq eldi mekenderdiń anasy" degen maǵynany bildiredi. Qazirgi ýaqytta qala Makka ál-Mýkarrama dep atalady. Onyń maǵynasy "Mekke Qurmetti" dep aýdarylady.

8. Medınany Paıǵambarymyzdyń (sallallahý aláıhı ýá sálám) turaǵy dep ataıdy, degenmen Muhammed Paıǵambar ómiriniń kóp bóligin Mekkede ótkizgen. Paıǵambarymyz onda shamamen 50 jyl ómir súrgen.

9. Mekke - Allanyń eń alǵashqy aıaty túsken qala jáne adamzat balasynyń Adam atadan bastalǵan altyn besigi. Barsha álem musylmandarynyń júzi burylatyn Qubyla osy qalada. Sen bul qalada Jánnattan túsken qara tasty súıý baqytyna ıe bolasyń.

10. Qara tas Mekkede árqashan turmaǵan. 930 jyly ony Karmattyqtar sektasy urlap, Shyǵys Arabıaǵa alyp barǵan.

11. Anglıanyń "The Telegraph" gazeti Mekkedegi «Ál Haram» meshitin álemdegi eń qymbat ǵımarat dep atady. Qurylystyń jalpy quny 100 mıllıard dollardy qurady.

12. Eń qymbat ǵımarattar tizimindegi ekinshi oryn Mekkede ornalasqan Abrýh ál-Baıt. Sondaı-aq, Abraj Al-Byte ǵımaraty "Álemdegi eń úlken qońyraýly ǵımarat" jáne "Eń uzyn saǵattyq munara" degen ataqtardy qosa alǵanda, basqa da álemdik rekordtarǵa ıe.