Birinshi arna qazaqstandyq ónerpaz Erjan Maksım ekinshi oryn alǵan Reseıdiń "Golos.Detı" baıqaýynyń nátıjesi joqqa shyǵarylǵanyn málimdedi dep habarlaıdy Qamshy.kz aqparat agenttigi ria.ru saıtyna silteme jasap.
Fınalda reseılik ánshi Alsýdyń qyzy Mıkella jeńimpaz atanǵan "Golos. Detı" jobasynyń altynshy maýsymynyń daýys nátıjesin tekserý barysyna nátıje burmalanǵany anyqtaldy.
""Golos.Detı" jobasynyń altynshy maýsymyndaǵy kórermender daýysyn basqarýǵa tyrysqan áreket baıqaýdaǵy birinshi ári sońǵy jaıt bolýy tıis" delingen málimdemede.
Baıqaýdyń jeńimpazy kim bolatynyn 24 mamyr kúngi arnaıy shyǵarylymda kórsetetin bolady dep habarlady RIA Jańalyq Birinshi arnanyń baspasóz qyzmetinde.
"Arnaıy shyǵarylymǵa baıqaýdyń úsh qatysýshysyn da shaqyrttyq. Sebebi, 26 sáýirdegi nátıje kúshin joıdy. Demek, jeńimpaz orny bos degen sóz. Arnaıy shyǵarylym osy maýsymnyń sońǵy núktesin qoıady", — dedi agenttiktiń keńesshisi.
Arnaıy shyǵarylymda ne kórsetedi, qaıtadan daýys berile me, ol týraly telearna naqty jaýap aıtpady. "24 mamyr kúni ne bolatynyn búkil álem tikeleı efırde kóretin bolady" - dedi baspasóz qyzmeti.
Eske salsaq, sáýir aıynyń sońynda "Golos.Detı" baıqaýynyń fınaly bolǵan edi. Svetlana Lobodanyń tobyndaǵy Alsýdyń qyzy Mıkella jalpy daýystyń 56,5 paıyzyn jınap, jeńimpaz atanǵan. Onymen birge jeńimpaz ataýyna Valerıa Kýzakov pen Erjan Maksım de kúresken edi. Kórermender nátıjege tańdanyspen qarap, áleýmettik jelide qyzý talqyǵa saldy.
Birinshi arna kórermender daýysyna bireýler yqpal etkenin moıyndap, "nátıjeni qaıta qaraımyz" dep habarlady.
Group-IB habarlaǵandaı, Mıkella Abramovanyń nómiri – 7 sanyna shekten tys kóp mólsherde SMS habarlama avtomatty túrde jiberilip otyrǵan. 300 shaqty telefon nómirinen 8 myńnan astam habarlama túsipti. Group-IB tarapynan tekserý áli de jalǵasyp jatyr. Tekserý aıdyń sońynda aıaqtalady.
Usynǵan: Maqpal Sembaı
Pikir qaldyrý