Saıasatker Konstantın Syroejkın qazirgi ýaqytta memlekettik qupıany ashqany úshin, ıaǵnı, satqyndyǵy úshin tutqynda otyr. Bul týraly Qazaqstannyń Ulttyq Qaýipsizdik komıteti málimdedi dep jazady Qamshy.kz aqparat agenttigi.

"2019 jyldyń 15-qańtarynda UQK-da 1956 jyly týǵan QR azamaty Konstantın Syroejkın Lvovıchtiń tarapyna 175-baptyń 1-tarmaǵy boıynsha qylmystyq is qozǵalǵan", - delingen málimdemede.

Atalmysh bap boıynsha isti bolǵan azamattarǵa 10 jyldan 15 jylǵa deıin bas bostandyǵynan aıyrylý qaýpi tónedi. Sondaı-aq, azamattyǵyn alyp qoıýy da múmkin.

"Ústimizdegi jyldyń 19-aqpanynda Almaty qalasynyń tergeý soty qamaqqa alý týraly úkim shyǵarǵan. Qazir tergep-tekserý amaldary júrgizilýde", - deıdi UQK baspasóz qyzmeti.

UQK málimdeýi boıynsha, "BAQ týraly zańnyń" talaptaryna sáıkes, mekeme sotqa deıingi jasalatyn amaldar týraly málimet bermeýge quqyly-mys.

Konstantın Syroejkın – qazaqstandyq saıasatker, shyǵystanýshy, sınolog. 2006 jyldan bastap QR Prezıdentiniń qol astynda Qazaqstannyń strategıalyq zertteýler ınstıtýtynda jumys jasaǵan.

Aýdarǵan: Ádilet Mádenıet