Bir jasqa kelip qalǵan Ánýardyń tusaýyn belgili óner ıesi Roza Qýanyshqyzy kesip, aq batasyn berip táı-táı basqyzdy. Ulttyq arnanyń «Roza shaqyrady» atty mýzykalyq shoý baǵdarlamasyna Mádına ulymen birge qonaqqa kelgen bolatyn. Sol jerde Ánýardyń tusaýyn kesken ónerdegi ápkesi aq jol tilep, joly ashyq bolsyn dep batasyn berdi. Roza náresteniń tusaýyn artynan kesedi eken. Ol balanyń aldyn baılamaý kerek degen yrym shyǵar. Bastysy ata-anasy dán rıza bolyp, este qalatyn tarıhı sátke aınaldy. Mádına Sádýaqasova óziniń ınstagrammdaǵy paraqshasyna: «Ánýar ulymyzdyń tusaýkeser rásimin elimizdiń maqtanyshy Roza Rymbaeva apamyz jasady. Ol kisige otbasymyzdyń atynan úlken rahmetimizdi aıtqymyz keledi. Balamyzǵa ádemi tilekterin aıtyp, aq jol tilep, batasyn berip úlken jolǵa táı-táı basqyzdy. Ánýarǵa sizdiń jolyńyzdy bersin, Roza apaı», – dep Roza Qýanyshqyzyna alǵysyn bildirdi.

Zametılı oshıbký na saıte? Najmıte Ctrl+Enter