Almatyda qalalyq densaýlyq saqtaý basqarmasynyń burynǵy basshysy Serikbol Mýsınge úkim shyǵardy, dep habarlaıdy Qamshy.kz aqparat agenttigi Hola News saıtyna silteme jasap. 

Búgin №2 Medeý aýdandyq soty Mýsındy para berý faktisi boıynsha kináli dep taýyp,  240 084 000 teńge aıyppul saldy. Bul alǵan paradan 26 ese kóp.

Mýsın aıyppuldy bir jyldyń ishinde tólep bitirýi kerek. Tóleı almasa, ony túzetý abaqtysyna jabady. Úkim zańdy kúshine engen joq, apelásıalyq shaǵym túsirý úshin 15 kún berildi. 

2018 jylydyń 20 qyrkúıeginde Serikbol Mýsın Almaty qalasy Densaýlyq saqtaý basqarmasynyń basshysy qyzmetinen bosatylǵan bolatyn. 6 aqpanda № 2 Medeý aýdandyq sotyna Mýsınge qatysty is qozǵalady. Densaýlyq saqtaý basqarmasynyń burynǵy basshysyna prokýrorlarǵa 25 myń dollar para berdi degen aıyp taǵyldy. Sotta ol óziniń kinásin moıyndaǵan joq.

Usynǵan: Marjan Sábet