Qazaqstandaǵy balabaqshalardyń barlyǵyn úlken tekserýden ótkizý kerek! Balalar men jasóspirimder baratyn úıirmelerge de lısenzıasy bar mekemelerge ǵana ruqsat berý kerek! Búgin dál osy eki máseleniń tóńiregindegi eki jáıt júrekti qaq aıyrdy. Bireýi jattyǵýda júrip ajal qushsa, bireýi balabaqshada júrip, ekinshi qabattan ushty... Bireýi kóz jumdy, bireýi komada. Adamdar aıýannan da beter bop bara jatyr. Ne kórind,i osy aqshanyń sońynan júgirgenderge?! Qudaıdan qoryqsańdar etti! Arzan qyzmetker-tárbıesiz tárbıeshi-psıxıkasy aýytqyǵan tárbıeshi-tasjúrek tárbıeshi-meıirimsiz áıel-tasjúrek ana-arzan qyzmetker! 

"Qazir balamyzdy qandaı balabaqshaǵa beremiz nemese memlekettik balabaqshaǵa bere alamyz da?" dep emes, tárbıeshileri durys, senimdi balabaqsha izdeıtin boldyq. Barlyq ata-ananyń ýaıymy sol. Aıyna 100-150 myń teńgelik jekemenshik balabaqshalarǵa jurttyń báriniń jaǵdaıy jetpeıdi! Arzandarynyń túri – anaý. Men bul máseleni birinshi ret aıtyp otyrǵan joqpyn. Biraq bizdiń Bilim mınıstri, otbasy men balalardyń máselesimen aınalysatyn departamentterden áreket baıqalmaıdy. Sizder nege bul máseleni qolǵa almaısyzdar? Ol balalardyń ornynda ózderińizdiń balalaryńyz nemese nemerelerińizdiń bolmaýyna kim kepil?! Hosh, jazǵan jazbalarym jetetin jerge jetpese, minberde sóz tıse, mınıstrdi kórsem, birinshi kezekte osy máseleni aıtamyn!

Asqat Sadyrbaıdyń feısbýk paraqshasynan alynǵan

Usynǵan: Ásel Bolatqyzy