19 mamyrda Qazaqstan astanasy Nur-Sultan qalasynda jol apaty boldy, dep jazady Qamshy.kz aqparat agenttigi tengrinews.kz saıtyna silteme jasap.
Apat 19 mamyr kúni saǵat 12.05-de Abylaı han dańǵylynyń boıynda oryn alǵan. Nissan XTrail avto kóligi Lifan X50 markaly kólikpen soqtyǵysyp, sonyń saldarynan Lifan X50 jaıaý júrginshini soqqan. Aýyr jaraqat alǵan áıel adam oqıǵa ornynda kóz jumǵan. Budan basqa, eki áıel men eki er adam jaraqat aldy.
Quzyrly organdar jol apatyna baılanysty aldyn-ala tergeý jumystaryn júrgizýde.
