BUU ókili komandasymen birge Qazaqstandaǵy ınternet buǵattalǵanyna kýá bolǵanyn aıtty. Bul týraly ol 17 mamyrda Nur-Sultanda ótken baspasóz máslıhatynda málimdedi.

"Saıttar men strım-servıster buǵattaldy. Bul qadamdardy qaýipsizdik sharasy dep aqtap shyǵýy múmkin. Beıbit jıyn ótkizý, oıyn ashyq aıtý halyqaralyq quqyqtarmen qorǵalady. "Bul qaýipsizdik sharasy" dep adamdardyń beıbit jınalýyna, oıyn ashyq aıtýǵa shekteý qoıǵany bizdi alańdatady", - deıdi Fıonnýla Nı Aoleın.

9 mamyrda Qazaqstanda birneshe saıt, áleýmettik jeliler ashylmaı qaldy. Qazaqstandyq qoldanýshylar eki jyldaı ýaqyttan beri Facebook, Youtube, Telegram sıaqty áleýmettik jelilerge kirý qıyndaǵanyn aıtyp, shaǵymdanyp keledi. Dáýren Abaev Qazaqstan Aqparat jáne qoǵamdyq damý mınıstri "buǵattaýǵa qatysy joǵyn" aıtty.

Al Qazaqstan májilisiniń otyrysynan soń Sıfrlyq damý, qorǵanys jáne aeroǵarysh ónerkásibi mınıstri Asqar Jumaǵalıev jýrnalıserge ınternettiń sapasyna qatysty áli suraq túspegenin, tekseretinin aıtqan.

Al álemdegi ınternet erkindigin baqylaıtyn halyqaralyq NetBlocks tobynyń atqarýshy dırektory Alp Toker "9 mamyrdaǵy buǵattaý joǵary deńgeıde uıymdastyrylǵan" dep sanaıdy.

Usynǵan: Ásel Bolatqyzy