"Golos detı" baıqaýynan keıin Erjan Maksım men Mıkella Abramova provokasıalyq rolıkke túsedi. Erjan Maksımniń anasy qyzý talqyǵa túsken jarnamalyq rolıkke baılanysty málimdeme jasady dep habarlaıdy Qamshy.kz aqparat agenttigi gazeta.ru saıtynyń deregin negizge alyp. 

Atalmysh jarnamalyq rolıkte Erjan Maksım "Památı Krýzo" ánin oryndaıdy. Sondaı-aq jarnamalyq rolıkti Erjan Maksım "taǵy da ekinshi me" degen sózben aıaqtaǵan. Bul sózdi áleýmettik jeli qoldanýshylary qyzý talqylaǵan bolatyn. Sebebi Erjan Maksım "Golos detı" baǵdarlamasyna 2- oryn alǵan edi. Kóptegen jeli qoldanýshylary bul jarnamalyq rolık reseılik baıqaýdy mazaq qylý dep túsindi. 

Al anasy bul sózdiń ekinshi maǵynasy baryn keıin bilgenin aıtty. 

"Bizge senarıdi bir kún buryn ǵana berdi. Biz ony qarap, durystap daıyndalmadyq. Sebebi qarbalas jumystar boldy. Qatty sharshaǵan edik. Tek túsirilim alańyna barǵan kezde biz olardyń aıtqanyn dálme-dál qaıtaladyq. Sońǵy sózdiń eki túrli maǵynasy baryn keıin ǵana túsindik", - deıdi Gúlmıra Álibek. 

Keıin Gúlmıra Álibek rejıserge habarlasyp, ulyn óz maqsatyna paıdalanǵanyn aıtyp, renishin bildiredi. Al rejıser bolsa ókinetinin aıtqan. 

Aýdarǵan: Ásel Bolatqyzy