Ýkraınanyń burynǵy prezıdenti Petr Poroshenko saıasattan ketpeıtinin jáne eldiń jańa prezıdenti Vladımır Zelenskııge kómek kórsetýge daıyn ekenin jetkizdi dep habarlaıdy Qamshy.kz aqparat agenttigi Korespondent.net saıtynyń málimetterine súıenip. 

Ol bul týraly Die Welt basylymyna bergen suhbatynda málimdegen. Ýkraınanyń eks-prezıdenti saıasatty tastaý oıynda joq ekenin, 2024 jyly bolatyn kelesi prezıdent saılaýyna mindetti túrde qatysatynyn aıtqan.

«Iá, men saıasatta qalamyn jáne jańa basshyǵa keńes berip, kómektesýge daıynmyn. Árıne ol meniń bul usynysymdy qabyl alsa», - dedi burynǵy prezıdent.

Jáne onyń kelesi 2024 jylǵy saılaýǵa qatysýdaǵy negizgi maqsaty bılikti ustap qalý emes ekendigin, kerisinshe Ýkraınanyń jetistigin nyǵaıtýǵa bar kúshin salatynyn atap ótti.

«Men osy kúnge deıin elimiz qol jetkizgen belesterdi osydan 100 jyl burynǵydaı joǵaltyp almas úshin  barymdy salǵym keledi. Biz sol kezde táýelsizdigimizdi joǵaltyp aldyq, 1932-33 jyldary bolǵan ashtyqtan ýkraınalyqtardyń teń jartysy kóz jumdy, ekinshi dúnıejúzilik soǵys kezinde de qyryldyq, ýkraınalyq patrıotızmdi joıyp jibergileri keldi. Qudaıdyń qoldaýymen, aldaǵy ýaqytta biz ondaı jaǵdaılarǵa jol bermeıtin bolamyz», - dep málimdedi eks-prezıdent Poroshenko.

Sonymen qatar, Poroshenko prezıdent bolǵan kezdegi jetistikterimen bólisip, óziniń prezıdent bolǵanyna maqtanatynyn jetkizdi.

Oqı otyryńyz:

♦ Ulyqtaý rásiminde Zelenskııdiń sózin bóldi

♦ Zelenskıı “ket” dedi. Ketti!

♦Zelenskıı: Sýretim esh jerde ilinbeýi tıis. Prezıdent tabynatyn ıkona emes

Daıyndaǵan: Marjan Sábet