Túrkistan oblysy krımınaldyq polısıa basqarmasynyń qyzmetkerleri taksı júrgizýshini óltirdi degen kúdikpen eki adamdy ustady dep habarlaıdy Qamshy.kz aqparat agenttigi Sputnik saıtyna silteme jasap. 

2019 jyldyń 17 mamyrynda Saıram aýdandyq polısıa basqarmasynyń kezekshi bólimine jergilikti turǵynnan habarlama kelip túsedi. Áıel jol boıynda denesi qanǵa boıalǵan er adamdy kórgenin aıtady. Oqıǵa ornyna dereý aýdandyq polısıa basqarmasynyń jedel tergeý toby attanǵan.

Kýágerlerden jaýap alý barysynda jedel ýákilder kúndizgi saǵat 16:30  shamasynda "Aýdı" kóligi jol boıyna toqtap, ishinen denesi qanǵa malynǵan júrgizýshi qashyp shyǵyp, kóp júrmeı jol jıegine qulaǵany anyqtalǵan. Artynsha kólikten jas qyz ben jolaýshy shyǵyp, júrgizýshini kóterip, kólikke qaıtadan mingizgen. Sodan "bul jigitti emhanaǵa alyp baramyz" dep, Shymkent jaqqa qaraı júrip ketken. Krımınalıser oqıǵa ornynan qan izderin tapty.