Almaty oblysynda er adam óz tanysynyń 11 jasar qyzyn qaryzyn qaıtarmaǵany úshin kepildikke aldy dep habarlaıdy Qamshy.kz aqparat agenttigi ktk.kz silteme jasap.

Kúdikti besinshi synyp oqýshysyn mektepten qaıtyp kele jatqanynda urlap ketken. Osydan soń, kúdikti qyzdyń anasyna qońyraý shalyp, 110 myń teńge talap etipti. Keıin anyqtalǵandaı, qyzdyń ákesi 27 jastaǵy kúdiktige 30 myń tenge qaryz bolǵan eken.

Qyzdyń anasy jedel túrde quqyq qorǵaý organdaryna shaǵymdanǵan. Ary qaraıǵy kelissózder tártip saqshylarynyń baqylaýynda júrgizildi. Kúdiktiniń meken-jaıy anyqtalǵan soń, tutqyndaý týraly buıryq berilgen. Er adam "kepilge alǵan kishkentaıyn" ertip, Almatydaǵy iri saýda ortalyqtarynyń birinde júrgen eken.

"Kúdiktiniń bizdiń aýdanǵa qarasty saýda ortalyqtarynyń birinde júrgeni anyqtaldy. Sol saýda ortalyǵynda kúdiktini quryqtaý sharalary júrgizildi. Kepilge alynǵan qyz aman-saý qalpynda ata-anasymen qaýyshty. Qazirgi ýaqytta "Adam urlaý" faktisi boıynsha sotqa deıingi tergeý jumystary júrgizilip jatyr", - dedi Qarasaı aýdandyq polısıa basqarmasynyń aǵa tergeýshisi Samat Satqanbaev.

Aýdarǵan: Dáýren Sybanbaı