Prezıdent Qasym-Jomart Toqaev Aqtóbe oblylysyndaǵy joldyń jartysyna jýyǵynyń sapasy syn kótermeıtinin aıtyp, jaýaptylardy synǵa aldy dep habarlaıdy Qamshy.kz aqparat agenttigi tengrinews.kz saıtyna silteme jasap.

Prezıdent Úkimet pen oblys ákimdigine 2025 jylǵa deıin óńirdegi jol jaǵdaıyn jaqsartýdy tapsyrdy.

"2025 jylǵa deıin respýblıkalyq jáne jergilikti jerlerdegi barlyq joldardy retke keltirý qajet. Bul – aýqymdy ári strategıalyq mańyzǵa ıe joba. Osy baǵytta "Aqtóbe-Almaty" jolyn qaıta qalpyna keltirý jumystary bastaldy, kólik qozǵalysy men tranzıt kóleminiń artýyna baılanysty "Aqtóbe-Qandyaǵash" baǵytyndaǵy joldyń da jóndeý jumystaryn jedeldetý qolǵa alyndy. Sonymen qatar 2025 jylǵa deıin "Nurly jol" baǵdarlamasynyń negizinde "Aqtóbe-Hromtaý", "Qandyaǵash-SHalqar-Yrǵyz "baǵytyndaǵy joldardy da qaıta qalpyna keltirý qajet. Atalǵan jobalardy qarjylandyrýdy jedeldetý sharalary júrgizilsin. Bul meniń Úkimetke beretin tapsyrmam", - dedi prezıdent Aqtóbe jurtshylyǵymen kezdesýinde.

Memleket basshysy Úkimetke jáne jergilikti atqarýshy organdarǵa sapaly ári qoljetimdi turǵyn úı salýdy, halyqtyń tabysyn arttyrýdy, iskerlik belsendilikti qoldap, orta tap qalyptastyrýdy, sondaı-aq, óńirdiń kólik-tranzıttik áleýetin damytý jóninde qajetti sharalar qabyldaýdy tapsyrdy.

Aýdarǵan: Dáýren Sybanbaı