Saıram aýdandyq soty adam ólimine kúdikti retinde 1959 jyly dúnıege kelgen Ózbekstan azamatyna qatysty is qozǵady. Kúdiktige QR Qylmystyq kodeksiniń 99-baby boıynsha "Qasaqana óltirý" aıyby taǵylyp otyr dep jazady Qamshy.kz aqparat agenttigi Sputnik saıtyna silteme jasap.

Kúdikti adam óltirgen jerinde qaza tapqan azamattyń týysqandaryna ustalyp qalǵan. Al qazir ózi aýrýhananyń reanımasıa bóliminde jatyr.

Bizge belgili bolǵanyndaı, ózbek jigit Túrkistan oblysy, Saıram aýdanyna jumys babamen turaqty kelip-ketip júredi eken. Ol jergilikti turǵyndardyń biriniń qolynda jumys istep jatqan. Saıramǵa jasaǵan sońǵy saparynda jasaǵan qyzmeti úshin eseptespek bolǵan kúdiktige qaza tapqan azamat eńbekaqysyn berýden bas tartqan-mys.

Sol arada daý týyp, sońy tóbeleske ulasqan. Yzaǵa býlyqqan ózbek jigit qojaıynyn temirmen aıamaı urypty. Aıǵaı-shýdy estip úıden shyqqan qojaıynnyń uly da tóbeleske qoıyp ketedi. Sol jerde Ózbekstan azamaty aýyr jaraqat alǵan.

Ol aýyr jaǵdaıda aýdandyq aýrýhananyń jansaqtaý bólimine jetkizildi. Qazirgi ýaqytta kúdiktini tergeý jumystary polısıa qyzmetkerleriniń nazarynda aýrýhanada jalǵasyp jatyr.

Qaza tapqan azamattyń ulyna qatysty da qylmystyq is qozǵalǵan. Ol zań aldynda adam densaýlyǵyna zalal keltirgeni úshin jaýap bermek.

Aýdarǵan: Ádilet Mádenıet