Orys tildi qazaq aqyny Oljas Súleımenov  Qazaqstanda 9 maýsymda ótetin kezekten tys prezıdent saılaýy týraly pikir bildirdi dep jazady Qamshy.kz aqparat agenttigi Azattyq Radıosyna silteme jasap.

Nur-Sultanda ótken İİİ halyqaralyq ekologıalyq kongresten keıin jýrnalıserge suhbat bergen belgili aqyn "Saılaý bar, tańdaý joq" degen pikir aıtqan.

"Túsinýimshe, aıtarlyqtaı báseke joq. Mundaı jaǵdaıda bolýy da múmkin emes. Belgisiz adamdar memleket basqarǵysy keledi. Ol úshin adam ózin áıteýir bir qyrynan kórsetip, ondaǵan jyl el aýzynda júrgen tanys adam bolý kerek. Al olaı bolmasa, saılaý degen aty ǵana. Saılaý bar, tańdaý joq",– dedi Oljas Súleımenov.

Vıdeo Azattyq Radıosynyń Youtube paraqshasynan alyndy

Aıta keteıik, Qazaqstanda 9 maýsymda kezekten tys prezıdent saılaýy ótedi. OSK oǵan 7 kandıdatty tirkedi. 

 Usynǵan: Mıat Káshibaı