Búginde qazaq mádenıeti men ádebıetine hám sportyna shetten kelgen qandastardyń da ózindik úlesi bar. Budan tys aýyl-mal sharýashylyǵy, tipti ár túrli qara jumystardyń da birazyna aralasyp, ózindik eńbegimen úles qosyp keledi. Tipti, halyq sanyn arttyrýda da orny erek ekeni, aıtpasa da túsinkti...

Alaıda, shekaradan zańdy ótip, qujatymen kelip túrli sebeptermen qujatsyz qalǵan qandastarymyz qanshama?.. Ótken jylǵy respýblıka kóleminde 50 myńǵa jýyq qandas azamattyq ala almaı júrdi degen aqpar tarady. İzinshe zańgar Abzal Quspannyń aralasýymen atalǵan qujattar (tizimi jasalyp) tıisti mınıctrlikke jetti. Araǵa eki-úsh aı talqylaýdan keıin Elbasy jarlyǵymen bir jyldyq jeńildetilgen tártip jarıalanyp, barlyq qandastarǵa qujattaryn rásimdep alýǵa múmkindik beretin buıryq shyǵardy. Alaıda, munymen elimizdegi shetten kelgen qandastardyń qujattyq «jyry» bitetin túri joq...

Mysaly, qytaı pasporttarynyń ýaqyty ótip, esh qujatsyz qalǵan qandastarymyzǵa Qytaı elshiligi SİM-gi, qoǵamdyq uıymdardyń aralasýymen jańa qujat jasap berdi. Biraq, shekaradan ótti degen ne bir mór, vızasy joq atalǵan pasporttardyń barynan ne qaıyr dersiz, QR azamattyǵyn alýǵa jaramasa?.. Iaǵnı, QR azamattyǵyna qujat tapsyrý úshin pasporttyń betinde vıza, shekaradan ótken kúni, móri bári-bári bolýy kerek eken. Endi muny jergilikti kóshi-qon mekemeleri qabyldaýǵa esh múmkindik joq. Zań boıynsha shekteý qoıylǵan.

Sheshýdiń eki joly ǵana bar ;

1-Qytaı asyp, barlyq talaptardy oryndap qaıtý. (Ol jaqtan qaıta kelý múmkin emes, sondyqtan jergilikti polısıa qyzmetkerlerimen «ushtasyp» qujatsyz bolsa da, Qazaqstanda júre turý)

2-Jeń ushynan jalǵasyp, QR azamattyǵyn alý. Oǵan qujatsyz, jumyssyz 10 jyldan astam kúneltip kelgen keıbir qandastardyń qaltasy kótere bermeıdi...

Osy jáne ózge de túıtkildi máselelerdi «Almaty jastary» ortalyǵynda talqylap, QR prezıdentine ashyq hat joldaý arqyly, máseleniń oń sheshim tabýyn suraıtyn bolamyz. Onda 30-dan astam qandastar kelip, naqty jaǵdaılarymen bólisetin bolady. Qazirgi bizdiń esebimiz boıynsha Almaty oblysynda 5000-ǵa jýyq qandas qujat alýǵa múmkindigi bolmaı, sabylyp júr. Beıresmı aqparattarǵa súıensek, keıbiri jergilikti polısıa ókilderinen tyǵylyp, qashyp júrgenge uqsaıdy.

Óz eli, óz jerinde «qashqyn» bolyp júrgen qandastarǵa kóp bolyp qoldaý kórsetersizder degen oıdamyz!

Jıyn orny: Almaty q. Gogol-Baıtursynuly kósheleriniń qıylysynda

Ýaqyty: 29.05.2019j

Bastalýy: saǵat 15:00-de

Baılanys nómiri : Qurmetolla - 87052229300