Reseıdiń Krasnoıar aımaǵynda Severo-Enıseı aýylyndaǵy oqıǵa eldiń esin shyǵardy dep habarlaıdy Qamshy.kz aqparat agenttigi RIA Novostıge silteme jasap. Jergilikti BAQ qorbańdaǵan aıý ormanyn tastap, eldimekenge bet alyp, aqyr aıaǵynda balalar oınaıtyn alańǵa kelip "oınaǵany" týraly habar taratty. 

Aýyl turǵyndary kósheden alyp jyrtqyshty kóre salysymen lezde jergilikti polısıa bólimshesine habarlasqan. Keń kóshede emin-erkin júrgen aıý bir mezette oıyn alańyna qaraı bettegen. Osylaısha adamǵa "erkelegen" aıý týraly aqparatty jergilikti ishki ister basqarmasynyń málimdemesi de rastapty.

"Turǵyndardan aıý kórgenderi týraly habarlama tústi. Oqıǵa ornyna polısıa qyzmetkerleri men ańshy jedel jetti. Aldymen jyrtqyshty arnaıy ádister arqyly ormanǵa qaıta qýyp jiberýge áreket jasalynǵanymen, aıý shýǵa qulaq aspapty. Kerisinshe qyrsyǵyp, adamdarǵa qarsy shabýyl jasaı bastaǵan soń polısıa qyzmetkerleri tabeldik qarý qoldanýǵa májbúr bolǵan", - dedi jergilikti İİB baspasóz qyzmetiniń basshysy Vladımır Iýrchenko.

Aýdarǵan: Dáýren Sybanbaı