Jol boıynda polısıa beketteri bolmaıdy: Tártip saqshylary jumyssyz qala ma?

/uploads/thumbnail/20190528163212675_small.jpg

Jol boıynda turatyn polısıa beketteri qysqarady. Bul týraly ishki ister mınıstri Erlan Turǵymbaev málimdedi  dep habarlaıdy Qamshy.kz aqparat agenttigi Tengrinews.kz tilshisine silteme jasap. 

"1 shildeden bastap bizdiń joldardaǵy shekaralyq beketter qysqarady. Búginde beketterdi qysqartý jumystary júrgizilip jatyr. Olardyń ornyna múmkindiginshe vıdeo, fotobaqylaýlar ornatylady", - dedi Turǵymbaev.  Onyń aıtýynsha, burynǵy ishki ister mınıstri Qaıyrbek Súleımenniń reıdin eske aldy. 2000 jyldary ol júk kóliginiń júrgizýshisi retinde Ózbekstan shekarasynan Almatyǵa deıin qarbyz alyp ótpekshi bolǵan. Sol ýaqytta ol sybaılas jemqorlyqtyń 36 jaǵdaıyn anyqtaǵan. 

"İshki beketter qysqaryp, olar tek jalpy el aýmaǵynyń perımetri boıynsha qalady. İshki beketterde jumys istegen 300-ge tarta qyzmetker basqa qurylymdarǵa aýystyrylady. Al jol boıynda bosap qalǵan beketter qatty sýyqta jylynatyn nemese daǵdarystyq jaǵdaılar úshin paıdalanylady. Qalalarǵa kire beristegi beketter de alynyp tastalady. Olar biraq kezeń-kezeń boıynsha taratylatynyn atap ótkim keled", - dep naqtylady İshki ister mınıstriniń orynbasary Alekseı Kalaıchıdı. "El ishinde tyıym salynǵan zattardy ákelýdi baqylaýǵa múmkindik jetkilikti", - dedi ol.

Mınıstrliktiń málimdeýinshe, polısıa beketterinde kezekshiliktegi tártip saqshylarynyń bári jumyssyz qalmaıdy.

Usynǵan: Marjan Sábet

Pikir qaldyrý

Qatysty Maqalalar