Jattyǵýdan keıin áıgili qazaqstandyq boksshy jýrnalsıterdiń birqatar suraqtaryna jaýap berdi. Ol kishigirim suhbatqa aınalǵan saýaldardyń jaýabyn orys tilinde berdi dep jazady Qamshy.kz aqparat agenttigi Zakon.kz saıtyna silteme jasap. 

8-maýsym kúni ótetin jekpe-jegine qyzý daıyndyq júrgizip jatqan Gennadıı Golovkın óziniń áleýmettik jelidegi paraqshasyna jattyǵý barysynan sýretter júktedi.

Jazbanyń astyna "Kalıfornıadaǵy ashyq jattyǵý. 8-maýsym alys emes" dep jazdy.

GGG kelesi aptada kópten kúttirgen jekpe-jegin Nú-Iork qalasyndaǵy Madison Square Garden arenasynda ótkizedi. Qazaqstandyqtyń qarsylasy – jeńilis kórmegen, 19 jekpe-jeginde 10 qarsylasyn nokaýtpen qulatqan kanadalyq bylǵary qolǵap sheberi Stıv Rolls.

"Bıllı Djo Sondors senimen eki ret kelissóz júrgizgenin aıtady. Nege sol jekpe-jek oryn almady?" - dep suraq qoıdy jýrnalıserdiń biri.

"Siz Sondors týraly aıtyp tursyz ba? Ol múlde nazar aýdarýǵa turmaıdy. Kóptiń arasynan Sondorsqa erekshe nazar aýdaramyn dep aıta almaımyn. Men aıtqandaı, bul sıaqty «massalardyń» barlyǵy kezekte tursyn. Eger kimde kim shynymen judyryq túıistirgisi kelse, men onymen judyryqtasamyn. Bári óz kezegin kútsin!" - dep jaýap berdi Golovkın.

Aýdarǵan: Ádilet Mádenıet